🔵 اللدغات او(اللثغات)
يعني ايه لدغة او لثغة وايه اسبابها وانواعها وازاي نعالجها:
.
⭐️اللدغة: هي اضطراب من اضرابات النطق والكلام وهي ان الطفل بينطق صوت الحرف بصوت حرف تاني بيبدل الاصوات.

⭐️اسباب اللدغات
اسباب عضوية: زي اللسان المربوط او ان يكون فيه مشكلة في سقف الحلق زي شق في سقف الحلق او الشفه الارنبيه او يكون فيه مشكله في الاسنان زي ان الانسان مش متناسقين او مكسورين عشان كدا لازم نفحص اعضاء النطق للطفل كويس (المشاكل العضوية تحتاج لتدخل طبي الاول بعد كدا بنشتغل علي تعديل اللدغه)
اسباب مكتسبة: التقليد زي ان يكون احد افراد العائلة عنده لدغه والطفل يقلده
وتعزيز العادات الخطأ زي ان الطفل ينطق الحرف غلط والاهل يعززوه فيتعود علي انه ينطقه غلط.

⭐️انواع اللدغات
1-لدغة سينية: ودي ليها تلات انواع
✅لدغة سينية امامية: هنا الطفل بينطق ال س ل ث
✅لدغة سينية جانبية: الطفل ينطق ال س ل ش
✅لدغة سينية حلقية /بلعومية: الطفل ينطق ال س ل خ
⭐️النوع التاني اللدغه الرائية: هنا الطفل بينطق الراء ل (ي-و-ل-غ)
⭐️النوع التالت اللدغه الخلفية: وهنا الطفل بينطق ال (ك-ق-ج) ل (ت-د-ط)
🔵مهمم: اللدغة لا يستحسن تعديلها قبل سن ال 5 سنوات وهناك علماء قالوا 6 سنوات يعني من السن دا ابدأ اعدل للطفل اللدغه واصلح الصوت الغلط
طيب كولي امر لما تلاقي ابنك بيقول كلمة غلط بيبدل فيها صوت او عنده لدغه قبل السن دا انت كل اللي عليك انك تصلحله الكلمة يعني تنطق انت الكلمة الصح قدامه بس متجيش تعززه وتقوله قولها تاني كدا من باب انك فرحان انه بيتكلم وبعد كدا هتلاقي ان الطفل اتعود علي نطقها كدا وبقت لدغه انت صلحاله بس وانطق انت الكلمة الصح قدامه كذا مرة لحد ما يتم السن بعد كدا نبدأ نصلح الحرف الغلط.