مساء الخير
موضوعنا النهاردة عن فرط الحركة وتشتت الانتباه (ADHD)🌀
يعني إيه فرط حركة؟
هو مش مجرد طفل شقي أو عايز يلعب كتير! فرط الحركة معناه إن الطفل عنده نشاط زائد مع صعوبة في التركيز وتنظيم سلوكه.

إزاي نلاحظ؟
بيتنطط وبيجري طول الوقت ومش بيقدر يقعد ساكت.
بيتكلم كتير ويقاطع غيره.
صعب يركز في حاجة واحدة أو يكمل واجب أو لعبة.
بينسى بسرعة وبيتشتت من أي صوت أو حركة.
ممكن يبقى مندفع (يعمل الحاجة من غير ما يفكر في النتيجة).

اسباب فرط الحركة:
عوامل وراثية.
اضطراب في كيمياء المخ.
مشاكل أثناء الحمل أو الولادة.
عوامل بيئية زي قلة النوم – سكريات وكافيين كتير.

العلاج والتعامل معاه:
1. تقييم دقيق عند دكتور نفسي أطفال وأخصائي تخاطب وسلوك.

2. جلسات تعديل سلوك → تعليمه يركز ويكمل المهمة خطوة بخطوة.

3. تنظيم وقت الطفل وروتين ثابت (أكل – نوم – لعب – مذاكرة).

4. تقليل المشتتات حواليه (تلفزيون/موبايل وقت المذاكرة).

5. أنشطة رياضية لتفريغ الطاقة (سباحة – جري – تمارين بسيطة).

6. استخدام التعزيز الإيجابي (كلمة حلوة – نجمة – مكافأة صغيرة).

7. في بعض الحالات بيحتاج علاج دوائي تحت إشراف الطبيب.

الإيجابيات:
كتير من أطفال فرط الحركة عندهم طاقة وإبداع وفضول للتعلم.. محتاجين توجيه صح بس
𝑆𝑝/𝑌𝑎𝑟𝑎𝐴𝑠𝑒𝑎𝑑