★ اللغة نوعان لغة استقبالية ولغة تعبيرية :
• اللغة الاستقبالية : الطفل بيشاور علي الشئ فقط .
• اللغة التعبيرية: الطفل بيعبر عن نفسه من خلال الاشياء .
اللغة الاستقبالية : اللغة المستخدمة في فهم الكلام بمعني أنه عارف يعني أي كتاب وعارف يعني أي هات الكتاب فأما أسمع شخص ببوجه ليا الأمر ( هات الكتاب ) أقدر أنفذ الأمر
أنا فاهم شخص يقول هناكل وبعدين نرسم وبعدين نلون
الخلاصة أنا سامع وفاهم الكلام الموجه ليا من الاشخاص وقادر علي إدراك الأصوات وفهم الجمل والأحاديث ومعاني الكلام
اللغة التعبيرية : هي اللغة المستخدمة للتعبير عن احتياجات الأشخاص
اتواصل بيها مع الأشخاص
أنشأ حوار وحديث مع الناس
هي اللغة المستخدمة وهي وسيلة التواصل الأولي والأهم بين الأشخاص
لكن علشان الطفل يتدرب عليها محتاج يتدرب على اللغة الاستقبالية الأول
تزويد الحصيلة اللغوية والمعلومات يقدر يتطور في اللغة بشكل سليم
★كتير من الأمهات بيسألوا انا ابني أو بنتي فاهمه وعارفة كل حاجه وفاهمه كلامي وبتنفذ اي امر اقولوا ليها ولكن مش بتتكلم.
★ علشان أكثر الأمهات بتنفيذ اي طلب للطفل عن طريق أنه يشاور علي الشئ فقط وأكثر الوقت علي هذا النظام .
★ يجب علي الام محاولة مع الطفل أنه يتكلم ويعبر عن نفسه من خلال الاشياء يعني لما يشاور علي زجاجة مياه مثلا وهو عايز يشرب حاولي تتكلمي معاه وتقوليله عايز اي هو ممكن ميبقاش عارف يتكلم ويعبر عن نفسه حضرتك تقوليله عايز اي وبعدها بثواني تقولي اشرب بس بنبرة صوت مختلفه ومتقوليش امبوه أو الكلمات الشائعة الي بنسمعها من الأطفال حاولي دايما مع طفلك لو اول مرة يقول الكلمة قولي الكلمة الصح علشان يبقي عارفها من اول مرة وحاولي معاه مرة واتنين وتلاته علشان يتكلم ويبقي عارف الكلمه الصح ودايما وجهي الطفل للصح .
★ ويجب تنمية اللغة التعبيرية عند الطفل وتطويرها دائماً .
★ حاولي دايما يبقي ف تفاعل مع طفلك لأن التفاعل مهم جدا معاه ولو التلفون قدامه طول الوقت حاولي تمنعيه عنه بقدر الإمكان