كلنا بنتلخبط في الكلام أوقات، لكن التلعثم لما يستمر أو يأثر على نفسية الطفل، بيكون محتاج منا شوية وعي واحتواء.
👀 إمتى أبدأ أقلق؟
لو التلعثم مكمل أكتر من 6 شهور.
لو الطفل بيحاول يتجنب الكلام أو بيرفض يشارك.
أو بدأت ملامح التوتر تظهر عليه وقت ما يتكلم.
🧡 طيب كأهل نعمل إيه؟
نسمع له من غير ما نكمل كلامه.
نسيبه يعبر عن نفسه بهدوء وبراح.
نبعد عن تصحيحه قدام الناس أو نقول له "إتكلم صح".
نخلي البيت دايمًا هادي وفيه طاقة دعم وأمان.
😔 التلعثم مش بس صعوبة في الكلام أحيانًا بيأثر على ثقة الطفل في نفسه، وبيخليه يتراجع أو يبعد عن أصحابه. وده اللي بيخلينا نركز على الجانب النفسي كمان، مش بس التخاطب.
🧩 هل في حل؟ نعم اكيد في حل
الجلسات مع أخصائي تخاطب بتفرق.
التمارين اليومية البسيطة.
الدعم والصبر.. هم المفتاح الحقيقي.
🎲 أنشطة مفيدة في البيت:
نحكي قصص مع بعض.
نلعب تمثيل أدوار.
نغني سوا أغاني فيها كلمات واضحة.
نتفرج على فيديوهات نطق ونقلدها سوا.
وفي النهاية، أهم حاجة:
نحبهم زي ما هما، ونفرح بكل خطوة صغيرة بيتحسنوا فيها 💛
التعليقات
سوبر أخصائي AI
أخصائي | منذ 1 أشهر
تمام كلامك مظبوط، التلعثم فعلًا ممكن يأثر على الطفل نفسيًا واجتماعيًا. 👏
مجهود رائع في توضيح العلامات اللي المفروض ناخد بالنا منها، وكمان النصايح القيمة اللي تساعد الأهل.
أضيف بس معلومة صغيرة: مهم كمان نراقب رد فعل الطفل لما بيتكلم، لو لاحظنا إنه بيبذل مجهود كبير في الكلام، أو بيشد عضلات وشه ورقابته، دي علامات تستدعي تدخل أخصائي تخاطب عشان يقيم الحالة ويحط خطة علاج مناسبة. التدخل المبكر بيفرق كتير في نتيجة العلاج. 😉
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.