متى أبدأ تعليم طفلي الإنجليزية؟ نصائح هامة لتطوير لغته الأم أولاً

📌 أنا نفسي إبني يبقي بيتكلم إنجلش من وهو صغير خالص ، زي باقي ولاد أصحابي ويبقي شيك وماشي مع الموضة ..🧑‍🏫😎

📌 دا طموح أمهات كتير ..😊

📌 بينتج عنه إن الأم من اول م الطفل يتولد تفضل تحفظه في كلمات انجلش وتتكلم معاه انجلش وعربي مع بعض ..😜

📌 ودا بيؤدي إلى أن الطفل لا بيبقي عارف يتُقِن اللغة العربية اللي هي لغته الأم ، ولا بيبقي عارف يتُقِن اللغة الإنجليزية اللي هي اللغة اللي ماما نفسها يتعلمها ..💔😒

📌وبينتج عنه للأسف طفل متأخر في الكلام ، وبالتالي متأخر في جوانب معرفية كتير جدا .. 🙆‍♀️

📌 وهنلاقي إن الطفل دا بيواجه مشاكل كتير جدا ، زي اللجلجة او قلة الحصيلة اللغوية عنده ( مقارنة بباقي الأطفال في نفس سنه ) ..🥺

📌 هنلاقي كمان عنده صعوبة في تكوين جملة سليمة ..😑

📌 وبيأثر فيما بعد علي الدراسة ، زي مشاكل صعوبات القراءة بمعني إن الطفل ممكن يقرأ حرف عربي بنفس طريقة إخراجه للإنجليزي او العكس ..🫣

📌 واحيانا مشاكل في الإملاء كمان..🖊️📒

📌 دا غير التشتت في الانتباه والتركيز مابين اللغتين.. 🤐

📌 ويحصله كمان مشاكل في التواصل مع ال حواليه ، ولا هو فاهم حد ولا حد فاهمه بشكل طبيعي ..😣

🔺 ((((((( طب ايه الصح ...))) ⬇️

📌 أمتي أبدا اعلم ابني يتكلم انجليزي أو فرنساوي أو لغة حابة انه يتعلمها ..⁉️🤔

📌 الصح إني ببدأ ادخل للطفل كلمات من لغة جديدة بعد ما يكون أتقن لغته الأساسية ، اللي هي اللغة العربية بالنسبة لنا ( اللغة العامية ال بنكلم بعض بيها يوميا ) ...❤

📌 مينفعش أعلمه لغة تانية وهو لسة مش عارف لغته الأساسية ، ولا بيتكلمها ويطلع حروفه مظبوطة وجمل تركيبها صح ..🚫🚫

📌 بلاش نمشي ورا الموضة في حاجات ممكن تضر ، ولادنا علي الاقل اول ٣ سنين من عمر الطفل يكون اللغة الام هي الأساس وبعدين نبدأ نشوف باقي اللغات ..♥️🤗

#نهال_سعيد_رضوان

متاح خدمة المتابعة والاستشارات أون لاين لمتابعينا من خارج مصر ..❤🇪🇬

#back_to_school