سلام عليكم ورحمة الله وبركاته
أخي عنده 6 سنين عنده فرط حركة مش طبيعيه وساعات نومه قليله احيانا بيصحي الفجر او قبل الفجر بساعتين تلاته ومينمش تاني وطول الوقت دا عاوز يلعب ومن اقل حاجه بيفضل يعيط ويصوت ومش بيستني على الحاجه اللي عاوزها نهائي
يعني لو عاوز شيبسي الساعه 3 الفجر بيفضل يعيط ويصوت لحد الصبح م بيطلع وحرفيا مبيسكتش ولا بيتعب م العياط
دايما عاوز حاجات غريبه ف اوقات مش مناسبه نهائي ومعندهوش صبر غير فرط الحركة اللي بيشتت كل اللي حواليه
بالنسبه لكلامه فهو متأخر ف كلامه يعني مش كل الكلام بيعرف معناه ولا كل الكلام بيعرف يقولة بيقول جمل بس بيبقى فيها كلمات مش صحيحه وجمل صغيره جدا مبتعديش ال5كلمات
هو دلوقتي اولى ابتدائي وهو وسط زمايله اللي ف سنه بتحسه كأنه اصغر منهم ب سنتين او تلات سنين بسبب طريقه كلامه وبسبب حركته الزايده وضعف نموه