●المقارنه بين الأطفال من اكتر الأخطاء الشائعة ال بتحصل بحسن نيه●
◇زي انك تقول ◇
_شوف ابن خالتك بيتكلم ازاي وانت لسه...!
_اختك اشطر منك ف المدرسه
(الحقيقه بقا الجمله دي بتسيب اثر عميق في نفس الطفل ممكن يفضل معاه سنين)
☆التأثيرات النفسيه والسلوكيه
1》ضعف الثقه بالنفس :الطفل بيبدأ يحس دايما انه اقل من غيره ويفقد الثقه ف قدراته .
2》الغيره والمنافسه السلبيه:بدل ما يتشجع يبدأ يغير ويكره ال بيتقارن بيه.
3》العناد والرفض: بعض الأطفال بترد بعناد ورفض لكل حاجه موجهه ليها
4》الاكتئاب أو الانسحاب:خصوصا لو المقارنه متكرره أو قدام الناس
5》اضطرابات ف الهويه:الطفل ممكن يعيش طول عمره بيحاول يرضي الناس بدل ما يكون نفسه وذاته
<طرق الوقايه>
1)افهم ان كل طفل له سرعته ومواهبه وقدراته الخاصه
2)شجع التقدم الشخصي مش المقارنه بالآخرين
<مثلا>قوله انا فخوره انك اتعلمت حاجه جديده 'بدل ما تقول' انت لي مش زي ابن عمك
3)اهتم بنقاط قوه الطفل:لو ضعيف ف حاجه ؛اكيد شاطر ف حاجه تانيه
4)علمه المنافسه الصحيه:بمعني يتعلم يطور من نفسه مش يقلد غيره
*طرق العلاج لو المقارنه حصلت بالفعل*
1)ابدا بالاعتذار والتوضيح : قول انك كنت غلط لما قارنته
2)رجع ثقته بنفسه بالتدريج : امدح ليه لما يعمل حاجه كويسه وشجعه
3)اديه فرصه ينجح فيها : خليه يشارك ف انشطه تناسب قدراته
4)غير لغه الكلام :بدل ما شوف غيرك بيعمل اي....
ل انت عملت ايه انهارده يحبيبي عشان تكون احسن من امبارح
♡_الطفل مش محتاج يتقارن بحد ،هو محتاج حد يؤمن بيه لحد ما يؤمن بنفسه.
_كل مقارنه بتكسر جزء من ثقه الطفل،وكل تشجيع بيبني جبل جديد من الامان جواه.
_التربيه مش سباق بين الاطفال دي رحله بتساعد كل طفل يكشف طريقه الخاص♡.
#الاخصائيه #رحاب #نشأت #ابوزيد