فن الرد على ولادنا علشان يكونوا متعاونين معانا أكتر من غير ما يكونوا عايزين يعاندونا وخلاص

كم مره في اليوم بنقول لولادنا لأ مش هينفع دلوقتي

ومش دايما بنقول ليهم ليه ما ينفعش

لما نرفض حاجه لازم نقول السبب

نحاول نقلل الرفض شويه لأن كثر الرفض هيخلي الطفل يعند معانا وهو كمان هيقلدنا وكل حاجة هيقول عليها لأ وممكن كمان تخليه يكذب ويعمل اللي هو عايزه من ورانا.

طيب نعمل ايه

أول حاجة لازم نعملها نحاول نتكلم بطريقة إيجابية يعنى إيه... هنقول أمثلة

ماما عايز ألعب بالموبايل

❌ لأ مش هينفع تاخد الموبايل... انت معملتش الواجب

✅ آه طبعاً.. ممكن تاخد الموبايل أول ما تخلص واجبك

ماما عايز أخرج مع أصحابى

❌ لأ طبعاً مافيش خروج

✅ اكيد طبعاً تقدر تخرج أول ما ترتب اوضتك زى ما اتفقنا 😊...... وهكذا

تانى حاجة لازم نعملها إن يكون فيه اتفاقات مع الطفل 👌
يعنى هو عارف دوره وواجبه والتزاماته ومسؤولياته كفرد موجود معانا في البيت ......

تالت حاجه أن الطفل يكون عارف وفاهم المبادئ والقيم الأساسية بتاعة بيتنا ( كل أسرة وليها المبادئ الخاصة بيها)

زى إيه

مسموح بالموبايل ولا لأ ... ومن سن كام
إحنا كأسرة بنسمح للولد أو البنت بالخروج مع أصحابه ولا لأ
الطفل أو المراهق مسموحله يقعد بره البيت لحد الساعة كام... إحنا كأسرة بنسمح للولد أو البنت يبيت بره البيت عند قرايبنا أو أصحابنا ولا لأ....... وحاجات تانيه كتير

كل ده مهم جدا الطفل يكون فاهمه وعارفه مع توضيح وجهه نظرنا..... يعنى لما الطفل يسأل ليه لأ

❌ مافيش حاجه إسمها هو كده وخلاص
❌ من غير ليه
❌ انا قلت كده يعنى كده

لازم أوضح للطفل وجهه نظري علشان هو كمان يكون عارف القواعد والاتفاقيات والحدود بتاعتنا لحد فين .... ومع الوقت هيقتنع بيها حتى لو بيعارضنا دلوقتي.....

ولازم الإتفاق ده يكون ثابت
يعنى مش مرة أوافق ومرة تانية أرفض.... وحسب مزاجي بقى وحسب الطفل بيطلب إزاى.... وحسب انا راضية عنه في الوقت ده ولا متضايقه منه

الحاجات دي لما بتكون واضحة وبتطبق على كل البيت.... الخلافات والصراعات والمنازعات بتكون أقل كتييير جدا 🤍