مـــهــــارات مـــا قــبـــل الـلــغـــه :

في البداية علشان الطفل يكون عنده لغه معرفيه وبالتالى بعد كده يقدر يكون عنده لغه تعبيريه لازم الطفل يكون عنده مهارات ما قبل اللغه .

طيب آية هي اللغه المعرفيه :
أن الطفل يكون عارف المجموعات الضمنيه ( الحيوانات - الطيور - المواصلات - الفاكهة - اجزاء الجسم ) وف نفس الوقت الطفل يبدا يعبر ويبدا يطلع المخزون اللغوي اللى عنده ف هيئه لغه تعبيرية ولازم ولابد يكون ف الاول والاساس يكون عنده مهارات ما قبل اللغه وده السلم الصحيح للغه في أي مكان في العالم كله.

تعالوا نعرف مع بعض آية هى مهارات ما قبل اللغه؟
عشان الطفل يبدا يتعرف وبعد كده يبدا يعبر بشكل صحيح لأزم يكون عنده المهارات دي:

1️⃣ الانتباه والتركيز وده شئ أساسي لأي طفل
2️⃣ التقليد
3️⃣ الادراك
4️⃣ تنفيذ الاوامر
5️⃣ الذاكره

دول اهم مراحل ف مهارات ما قبل اللغه تعالوا نتكلم عن كل واحده لوحدها.

1️⃣ الانتباه والتركيز :

اول ما الطفل بيجي أبدا أقيم موضوع الانتباه والتركيز عنده هل في مشكله وله لأ ولو في مشكله أبدا أشتغل عليها لكن هتلاقي ان الإنتباه والتركيز مهم جدا عند اطفال اضطراب التوحد لان اغلبهم عندهم مشاكل في الإنتباه البصري و الإنتباه السمعي ( عندهم قصور ف التواصل البصرى ) بالتالي ممكن اشتغل انتباه بصرى وانتباه سمعي خاصه مع اطفال التوحد .

2️⃣ مهارة التقليد :

يبدا بعد مرحلة الإنتباه البصرى اطفال التوحد لازم أحقق معاهم الاول الإنتباه البصري و الإنتباه السمعي ثم مهارة التقليد .
مثلا اطفال التوحد أو متلازمه داون أو الحرمان البيئى أو الشلل الدماغي عندهم مشكله في مهارة التقليد فلازم أشتغل عليها والانتباه البصرى و الإنتباه السمعي كويس ولأزم نبدء من المرحله اللى بعد كده .
▪️نبدأ مع كل الاعاقات بنفس ترتيب المراحل.

4️⃣ أول ما نوصل لمرحله تنفيذ الامر نبدأ نشتغل على اللغه نقدر نعرفهم على المجموعات الضمنية ويبدأ الطفل يخزن ويبدأ يتعرف على حاجات كثيره جدا وف نفس الوقت الطفل اللى يتعرف على حاجه نبدأ نستغلها كلغه تعبيريه بمعنى الطفل مثلا النهارده اتعرف ع كلمه بوق وتقوله شاور ع بوق بدا يشاور عليها هات كارت بوق بدأ يجيبه وبالتالي ممكن نستغلها كلغه تعبيريه .

▪️لما الطفل يوصل لمرحله تنفيذ الامر نبدا ندي للطفل اللغه .

▪️مينفعش اشتغل لغه تعبيريه قبل ما يكون الطفل عارف الحاجه وقتها مش هيكون عارف يوظف اللغه أصلا .

لأزم ناخد بالنا من حاجه مهمه جدآ جدآ أن اللغه الاستقبالية تسبق اللغه التعبيرية يعني لأزم الطفل يعرف الحاجه الأول و أتأكد انه خلاص عرفها من كذا اختيار قدامه بعد كده اقدر اشتغل ع التعبيرية

5️⃣ أن الذاكره فيها حاجتين ذاكره بصريه يعني غير لفظيه و ذاكره سمعيه اللي هي اللفظيه .

الاطفال اللى عندهم مشاكل ف الذاكره او محتاجين نعرف هل عندهم ولا لا بنعمل للأطفال دي إختبار ذكاء ستانفورد بينيه الصوره الخامسه و لو الطفل واقع في الاتنين لازم ابدا معاه الاول بتنمية الذاكره البصريه وبعد ما تحس ان الطفل خلاص أتقن انشطه الذاكره البصريه تبدا تشتغل ذاكره سمعيه ودائما المشكله دى موجوده عند اطفال صعوبات التعلم .

دكتور مـحـمـد نـجـاتــي
أخصائى تأهيل وتدريب أطفال التوحد
استشاري الصحة النفسية والعلاقات الأسرية


#الشلل_الدماغي
#صعوبات_التعلم
#تواصل_بصري
#الصورة_الخامسة
#المجموعة_الضمنية
#لغة_تعبيرية
#تواصل_بصري
#انتباه_بصري
#انتباه_سمعي
#تخاطب
#تنمية_مهارات
#محمد_نجاتي