تخاطب ايه وبتاع ايه .. ما احنا اتربينا مكنش فيه الكلام ده .. هو شويه وهيتكلم او وديه حضانه هيلعب مع العيال ويلقط منهم ويبقي زي الفل ..الكلام ده اكيد سمعناه كتيير .
أولا ف مقوله ل أمير المؤمنين على بن أبى طالب بتقول " لا تربوا أبنائكم كما رباكم أباؤكم فإنهم خلقوا لزمان غير زمانكم "
اكيد طبعا واضح جدا فرق الزمان والأجيال في وقتنا الحالي
طيب تعالي كده طبقيها علي نفسك .. دخلتي مكان مع ناس بيتكلموا في مواضيع وكلام انتي متعرفيش حاجه عنه ومش عارفه تتكلمي معاهم 🤐 هااااا قوليلي كده احساسك ايه 🤔 اكيد هتضايقي وممكن تاخدي جنب وممكن تنعزلي🙇 وممكن تنسحبي ومتحبيش تروحي المكان ده تاني🏃🏃 وتتأثري نفسيا لإحساسك بالفشل مع ناس أعلي منك🗣.
تخيلي بقي طفلك اللي مش بيتكلم🤐 او مش بينطق كويس هتدخليه حضانه مع أطفال اعلي منه وبيتكلموا كويس تفتكري ده مش هيأثر عليه وعلي نفسيته لو حصل والاطفال اتريقت عليه ولو معرفش يتواصل معاهم هيعمل ايه غير انه ينسحب وينعزل ويتكسف منهم 🙇
وهندخل في حاجات كتيييييير احنا في غني عنها وهيختار الصمت بدل الكلام وفي الاخر هتوديه لمتخصص✔ بس بمشكله اكبر وضيعتي وقت .. أرجوكم فكروا صح استشيرواا متخصصون.. أبنائكم أمانه ..