✨مساء الخير ي عزيزي او ي عزيزتى ويومك جميل باذن الله❤

📢متقعدش العيال قدام التلفزيون ولا تخليهم يمسكوا الفون كتير عشان ده بيعمل توحد

👈كتير مننا يا اما بيقول الجمله دي يا اما بيسمعها كتير خصوصا الفتره الاخيره مع الازدياد الملحوظ فى اعداد اطفال التوحد.

طيب هل فعلا الجمله دي صح والكلام ده حقيقي ولا دى هري علي الفاضي، تعال ي عزيزي اخدك ف جوله بسيطه كده هنوصل من خلالها لرد علي سؤالنا ده اللي محتاجين فعلا رد عليه.

بص ي سيدي👀

ايه اللي بيحصل للطفل لما بيكون قاعد قدام التلفزيون؟

👈الطفل هنا بيتعرض لنوعين من المثيرات قدام التلفزيون اولهم (مثير سمعي) اللي بيتمثل في الاصوات اللي بيسمعها الطفل زي الاغاني الموسيقي وما شبه من انواع المثيرات اللي بتقدر بكفاءه تجذب انتباه الطفل.
تاني مثير بيتعرض ليه الطفل هو ( المثير البصري) اللي بيتمثل في الصور والفيديوهات اللي بتكون قدام الطفل زي الرسوم المتحركه، سيارات كل ما لذ وطاب من مثيرات بتقدر انها تجذب انتباه الطفل بشكل كبير جدا.

⬅️طيب في المقابل بقا في البيئه الطبيعيه؟!

الطفل بيتعرض لنفس المثيرين السابقين بردو ولنفترض ان الموقف عندي مثلا ⬅️ ام تنادي علي ابنها اثناء مشاهده التليفزيون ولم يلبي الطفل النداء.

⬅️ لما اجي اقارن بقا المثيرات اللي بيتعرض ليها الطفل في الموقف الطبيعي والمثيرات اللي بيتعرض ليها قدام التلفزيون هلاقي الاتي.
1 المثير السمعي👈 هلاقي ان الاصوات اللي جايه من التلفزيون اكثر جاذبيه للانتباه من صوت الام الروتيني
٢المثير البصري👈 هلاقي ان المثير البصري الممثل في عرض الشاشه اكثر جاذبيه من شكل الام.

📢اذا العمليه هنا مش عمليه عدم استجابه للنداء ك سمه من سمات التوحد بل البيئه اللي خلقها التلفزيون هي اكثر جذب لانتباه الطفل عشان كده اندمج معاها.

👈😎مثال توضيحي.

الدقيقه ٨٥ في ماتش نهائي القرن وتماس للمعلول وقذيفه جايه ف السكه من معلول او لا وانت قاعد مركز ومسيطر عليك مثير سمعي (الشوالي) ومثير بصري( اسيست محمود علاء) والست الوالده بتنادي عليك هل هتبصلها او هتدي اي اهتمام اصلا؟! طبيعي لا، يبقي نتفق ان المسيطر علي الموقف هنا شده المثير في جذب الانتباه.

📢📢 طيب يا سيدي الاجابه اي دلوقت بيعمل توحد او لا؟!

بص ي عزيزي 👀
التلفزيون والتفون وكل الوسائل دي في حد ذاتها متعملش توحد لكن ممكن تعمل توحد امتي؟!
👈لو الطفل اساسا عنده استعداد يكون لديه توحد
👈الافراط في الاستخدام اللي بيكون شبه عزله او عزله تامه عند الاطفال دي.

⬅️طيب انا ممكن استفاد من الوسائل دي فى تنميه مهارات الاطفال؟!

اه ي سيدي ينفع عادي لكن بشروط هقولك عليها اهو:

👈 استخدام وسائل الفيديو مع الاطفال في سن سنتين.
👈يمكن استخدام برامج تنميه مهارات باستخدام الحاسوب
👈اقعد مع طفلك وفهمه المقصود من القصه او الفيديو اللي شافه علي الفون او التلفزيون
👈قلل الاستخدام ميكونش فترات كبيره

حاجات تاني كتير هتكلم عنها باذن الله بعد كده ف فوائد استخدام الحاسوب مع الاطفال..