متلازمة هيللر (Heller's Syndrome) أو اللي بيقولوا عليها أحيانًا "اضطراب التفكك الطفولي"، هي حالة نادرة جدًا وبتعتبر من أشد أنواع اضطرابات التوحد. الطفل بيكون طبيعي جدًا في الأول، بيتكلم، بيتفاعل، وبيعرف يستخدم الحمام، وبعدين فجأة يبدأ يفقد المهارات دي واحدة واحدة بعد سن ٢ أو ٣ سنين.

الموضوع بيحصل بشكل مفاجئ، والأهل بيبقوا مش فاهمين إيه اللي حصل. الطفل ممكن يفقد القدرة على الكلام، يتجنب الناس حواليه، ويبدأ يعاني من مشاكل كبيرة في التواصل والسلوك. دا غير إن أعراض التوحد اللي إحنا عارفينها بتظهر عليه بشكل مكثف.

الفرق بينها وبين التوحد التقليدي إن الطفل في متلازمة هنر كان متقدم وبيتعلم بشكل طبيعي، لكن فجأة حصلت نكسة كبيرة. وده اللي بيخليها أصعب نفسياً على الأهل، لأنهم بيشوفوا طفلهم بيرجع لورا فجأة بعد ما كانوا شايفينه بيتقدم.

للأسف، لحد دلوقتي مفيش علاج قاطع للحالة دي، لكن التدخل المبكر بالعلاج السلوكي والعلاج الطبيعي ممكن يساعد الطفل يتحسن أو على الأقل يتعلم يتعامل مع حالته بشكل أفضل.