مساء الفل
نوبات الغضب عند الأطفال: عرض ولا مرض؟
كلنا شفنا طفل بيرمي نفسه على الأرض، بيصرخ، بيعيط، وبيرفض أي كلام.
دي نوبة غضب! لكن السؤال:
هل دي مشكلة في سلوك الطفل ؟ ولا مشكلة في فهمه لمشاعره؟

اللي ما بنشوفوش:
نوبات الغضب غالبًا بتكون طريقة الطفل الوحيدة للتعبير عن:
• إحباط
• خوف
• تعب
• احتياج للانتباه
بس لأنه مش متعلم يسمي مشاعره أو يعبر عنها… بيطلعها في صورة انفجار
طيب، لو مهتمناش ننمي الذكاء العاطفي؟
• الطفل هيستمر في نوبات الغضب بشكل أعنف
• مش هيعرف يطلب اللي محتاجه بالكلام
• ممكن يحس بالرفض أو الغضب من نفسه
• السلوكيات دي ممكن تكبر معاه وتتحول لعدوان أو انسحاب

الحل؟ نبدأ من بدري ونعلم الطفل:
• يسمي إحساسه: أنت زعلان؟ طب ليه؟
• يتكلم قبل ما يغضب: لو في حاجة مضايقاك، تعال احكيلي
• يستخدم أدوات للتهدئة: تنفس، رسم، حضن
( ضرورى نحسس الطفل انه متشاف ومشاعره متقبله)
• نحترم مشاعره حتى لو مش منطقية بالنسبالنا

الخلاصة:
نوبة الغضب مش عناد الطفل بيصرخ عشان يطلب المساعدة
محتاج حد يفهمه هو حاسس بإيه وإزاي ينصرف لما يحي بالشعور ده
لما ننمي الذكاء العاطفي، بنقلل النوبات، ونخلق طفل بيعرف يعبّر عن نفسه من غير ما ينفجر