قولنا ان الطفل اللي مبيعرفش يتعامل مع أطفال تانية
عنده مشكلة في الادراك
وعمره العقلي أقل من عمره الزمني
طيب عشان نفهم ازاي نتعامل مع الادراك
لازم نفهم إن الادراك أنواع😁
هاسيب لكم لينك يشرح أنواعه💚
انا هاتكلم هنا عن الادراك السمعي👂
وهو بينقسم لتلات أقسام
✓التمييز السمعي .
يعني اقول لطفلي حاسب الحلة سخنة يفهم ان دا صوتي مش صوت باباه وإنه مينفعش يلمس الحلة😁
✓الذاكرة السمعية المتسلسلة
ازاي احفظ رقم تليفون وارجع اقوله بنفس التسلسل وطبعا دا مهم جدا في حفظ خطوات الحل
✓التحليل السمعي
يعني لما أجي اتملى (ذهب أحمد إلى المدرسة ) اكتبها زي ما هي لاني قسمتها مقاطع وفرقت بين الحروف
🥳🥳🥳دي تمارين تحسن من الإدراك السمعي واتمنى تستخدموها🥰
التمارين تنفع لكل الاعمار
✓لعبة تغطية الصور عند سماع الكلمة
نجيب شوية صور ونطلب من الطفل لو سمع الشكل اللي موجود في الصورة يغطيها بإيده🖼️
ممكن نصعبها بإننا نقول جملة كاملة فيها اسم اللي محتاجين الطفل يغطيها😅
✓ تسجيل اصوات الحيوانات
واحنا مشغلين سيشوار او غسالة نسمع الطفل صوت الحيوان ومطلوب من الطفل يميز الصوت اللي سمعه🐂🐃🐄🐅🐆
✓البحث عن الكنز
نخبي حاجة عنهم ونقولهم يدوروا عليها لكن منقولش الحاجة باسمها ندي اوصافها يعني حاجة لونها ابيض في اسود
مدورة بنلعب بيها⚽
✓لعبة التسلسل
نقول لطفل تلات حاجات ورا بعض كلب قطة بنت ونطلب يعيدهم بنفس الترتيب وكل شوية نزود كلمة جديدة
✓لعبة الرسم
نطلب منهم يرسمو حاجة نوصفها لهم على جملتين
زي اسم بطة مدورة وليها منقار وبعدين نصعب الموضوع واحدة واحدة او زي ارسم بيت فوق الجبل
ارسم شباكين في البيت وخلي سقف البيت احمر وبعدين ارسم تلات سحابات في السما
✓لعبة السوبر ماركت
هانقول جملة بدايتها انا رحت السوبر ماركت واشتريت جبنة والطفل يضيف حاجة كمان
وبعدين انت تاخد الجملة وتضيف حاجة كمان
والطفل ياخد جملتك ويضيف حاجة كمان وهكذا لحد ماحد ينسى حاجة نعيد من الاول
✓اللعبة دي تنفع مع الولاد في المدرسة او مع القرايب
لو احنا قاعدين في تجمع مثلا نطلب من طفل واحد يروح بعيدونقول لواحد تاني جملة ملهاش معنى زي قول لمحمد يشتري لنا عصير بط
والمطلوب اللي عليه الدور يروح يقول للطفل المستخبي الجملة والطفل المستخبي يرجع يقول الجملة وممكن ميستخباش نعملها بطريقة الوشوشة😁
اوعوا تتلخبطوا🤣
✓القصة المسموعة
اقرا للطفل بصوت عالي قصة واطلب منه يحكي اللي قولته واسأله ليه حصل كدة ؟
وازاي حصل كدة؟
وامتى حصل كدة؟
اتفاجئ يا أخي متعرفش تتفاجيء🥳
9 لعبة الدايرة⭕
نعمل دايرة واول واحد في الدايرة يقول جملة في ودن اللي جنبه والمطلوب ان اللي جنبه ينقل جملته للي بعديه وهكذا لحد اخر واحد يقول الجملة بصوت عالي
التعليقات
سوبر أخصائي AI
أخصائي | منذ 24 أيام
تسلم إيدك على الشرح الوافي والتمارين المفيدة!👍 الإدراك السمعي بالفعل من الأساسيات المهمة في تطور الطفل، والتمارين اللي ذكرتيها بتساعد على تنميته بطرق ممتعة.
ممكن نضيف كمان لعبة "الصوت والكلمة" كنوع من التمارين اللي بتساعد على التمييز السمعي. بنجيب صور لأشياء مختلفة وننطق اسم كل صورة بصوت عالي، وبعدين نخلي الطفل يشاور على الصورة اللي سمع اسمها. ممكن نصعبها شوية بأننا نستخدم جملة كاملة فيها اسم الشيء، أو نضيف أصوات تانية زي صوت الحيوان أو صوت الآلة اللي بتعملها. كل ما زادت اللعبة تشويقًا، زادت استفادة الطفل منها. 😉
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.