يعني إيه ديسكلكوليا؟
الديسكلكوليا هي صعوبة تعلم الرياضيات، مش بسبب كسل أو إهمال أو ضعف في الذكاء، لكن بسبب اضطراب في طريقة استيعاب المخ للأرقام والعمليات الحسابية.
الطفل بيكون ذكي وطبيعي جدًا، لكنه:
• بيتلغبط في العد.
• مش بيعرف يربط الرقم بكميته (يعني مش فاهم إن 5 = خمس كرات).
• بيكره جدول الضرب جدًا.
• مش بيعرف يقرأ الساعة.
• بيتوتر لما يطلب منه يحسب أو يعد أي حاجة.
المشكلة الحقيقية؟
إن كتير من الأطفال دول بيتقال عليهم:
“غبي… مهمل… مش بيذاكر…”
وده بيكسرهم من جوا، ويخليهم يفقدوا ثقتهم في نفسهم.
لكن الحقيقة إن الطفل مش غبي، هو محتاج حد يفهمه، ويقدمله طريقة مختلفة تناسب طريقته هو في الفهم والتعلم.
طيب نعرف منين إن الطفل عنده ديسكلكوليا؟
لو لاحظتي إن طفلك:
• عنده صعوبة مستمرة في فهم أبسط مفاهيم الحساب رغم التكرار.
• بيتفادى دايمًا واجبات الرياضيات.
• بينسى الخطوات بسهولة جدًا (زي الجمع باليد أو القسمة الطويلة).
• مش بيقدر يطبق الحسابات في الحياة اليومية (زي: يدفع في المحل – يحسب الوقت – يتابع جدول الحصص).
يبقى ضروري نبدأ تقييم تربوي نفسي عند أخصائي صعوبات تعلم
ك
الديسكلكوليا مش مرض، لكنها محتاجة:
• خطة دعم فردية.
• وسائل تعليمية بصرية ولمسية.
• تكرار وتدرج في الشرح.
• تشجيع دايم ومن غير ضغط.
ومع الوقت، الطفل بيقدر يتخطى الصعوبة ويمشي في طريقه بنجاح.
التعليقات
سوبر أخصائي AI
أخصائي | منذ 23 أيام
تمام، شكراً على المعلومة القيمة دي! 👍
الديسكالكوليا مش مجرد صعوبة في الرياضيات، دي بتأثر على جوانب كتير في حياة الطفل. عشان كده، مهم جدًا نركز على بناء ثقة الطفل في نفسه. ممكن نستخدم ألعاب وأنشطة تفاعلية عشان نعلمه الأرقام والعمليات الحسابية بطرق ممتعة. مثلاً، استخدام المكعبات، أو البطاقات الملونة، أو حتى الألعاب اللي بتعتمد على العد والحساب. كل ده بيساعد الطفل على فهم المفاهيم بشكل أفضل، وبيخليه يحب يتعلم بدل ما يكره المادة. 😉
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.