كيفية التعامل مع مصاصي الطاقة: سماتهم، حدود التعامل، وحماية نفسك

من هم ال Energy Vampires ؟

🔹تعريفهم :

‏"People who sometimes intentionally or unintentionally drain your emotional energy”

🔹الترجمة :

"هم الناس الذين يقومون عن عمد أو بدون قصد باستنزاف طاقتك العاطفية"

فى حياتنا بعض الناس من هذه الفئة …
بغض النظر عن أسباب ليه هم كده، أو ازاى هم كده؟

لأن مش دورنا نغير سلوك الناس، دورنا نوجه اللى عايز يتعلم و يتغير.

اللى نقدر نعمله إننا نتعلم ازاى نعرفهم و نتعامل معاهم بشكل فيه حدود بدون ما يمتصوا طاقتنا العاطفية

✅الأول تعالوا نعرف سمات الشخص ال Energy Vampire

🔹- سلبى Passive
جمل كلامه يحمل معانى سلبية

🔹- لا يتحمل المسئولية No Accountability
دايماً بيعلق أسباب فشله على الظروف و الأخرين
عايزك تساعده دايماً بطريقته مش باللى يناسبك

🔹- هو المحور دائماً self centered
دايماً بيكرر كلمة " أنا" و مصالحه و لا يهتم بظروفك و مشاعرك

🔹- لا يرضى الا بالكل All or nothing
لا يرضى بتحقيق جزء من أهدافه عايز يحقق من الأخرين كل ما يريد

🔹- بيحسس الأخرين بالذنب لو لم يتعاونوا معاه

دى السمات الأساسية اللى كلها مرهقة جداً نفسياً

الناس دى ممكن يكونوا ناس قريبة منا و مش عارفين نتجنبهم ( فرد فى العيلة) و ممكن يكونوا ناس خارج دايرتنا

✅السؤال اللى كله منتظرنه …. نتعامل بقى معاهم إزاى ؟؟🤔

🔹- الحدود
حدد حدود لتعامل مع البداية ، مثال : كيفية التواصل ، وقته و طريقته

🔹- إدارة التوقعات
حدد لهم سقف التوقعات منك بخطوات واضحة فى حدود طاقتك و ظروفك و ما يناسبك

🔹- إدارة التواصل
لا تترك له الميكرفون، يعنى أسأل سؤال، إجابته دايماً فى سطر . و خلى حوارك معاه فى خطوات action steps مش شكاوى و حكاوى

🔹- القرار
تذكر دايماً " أنك تستحق أن يعاملك الأخرين بتقدير و إحترام"
لو شخص Energy Vampire لم يستجب لتوجيهك أنه يتعامل معاك بطريقتك و ما يناسبك
و هو شخص لا يربطك بيه صلة رحم واجب التعامل فيها.
لك الحق .. تأخد قرار بإنهاء التعامل و التواصل عشان تحمى نفسك

✅الخلاصة

الحياة بقى كلها ضغوط و تحديات …..
مفيش طاقة و لا مساحة و لا وقت …
نضيغ جزء كبير من حياتنا نعانى من
‏Energy Vampires

محتاجين نتعلم نتعامل ازاى معاهم و نحيط نفسنا بناس داعمة … إيجابية .. يكون بنا و بينهم علاقة أمل و عطاء