تعالوا نجاوب على اكتر سؤال بيتسألى 🌝
واتمنى كل ام تهتم بالكلام دا …
ازاى اعرف ان ابنى عنده تأخر لغوى :-

اولا وقبل اى حاجة لازم كل أم تراقب مراحل تطور طفلها وتكون حريصة فى تربيته وتشوف درجة نموه وتطوره فى كل المهارات تمام كدا هل فى اختلاف بينه وبين الاطفال الى فى سنه ولا تمام

ثانيا بقا ودا الأهم :- لازم كل أم تعرف يعنى اى تأخر لغوى وامتى اقول على طفلى انه متأخر لغوى🌝

تعالوا بقا اعرفكم مراحل تطور الطفل :-
١- الاطفال من سن ٦شهور بتبدأ فى مرحلة المناغاه يعنى مثلا (أغه-تته-دده-………)
٢-بعد سنه بيبدا فى التقليد وانه ينطق كلمه واحده زى (بابا -ماما -او اسم حد قريب ليه زى اخواته مثلا )
٣-بعد سنتين بيبدأ يقول كلمتين زى (ماما اشرب -ماما آكل)
٤-بعد ٣سنوات بيبدأ يقول ٣كلمات واضحتين مفهومتين زى (ماما عايز اشرب -ماما عايز انام )

طيب كده معرفناش بردو امتى يبقى فى مشكله
يبقى فى مشكله لو بعد ٣سنوات و٦شهور كانت الجملة (غير واضحة وغير مفهومة)

يبقى كدا الطفل عنده تأخر فى الكلام ولو لاقدر الله الطفل عنده تاخر يبقى لازم ابدأ فى العلاج بدرى
ومقولش زى ناس كتير لما يكبر هيتعلم ويتكلم
لان دا بيأثر فى مراحل التطور عنده