٣ حاجات مش بنعملهم مع الطفل اللي مش بيتكلم خالص مفتقد لمهارات ماقبل اللغه يعني لا بيقلد ولا بينفذ أوامر..الخ ❌

١/ مش بنروح حضانه
طب ليه؟ مش يمكن يتكلم زى باقي الأطفال؟
اولا الحضانه محتاجه طفل فاهم مستوعب لاوامر الميس ف الفصل وده مع طفلنا المتأخر فى الكلام مش هيحصل لانه هيتحرك كتير وهيبدا يظهر سلوكيات ممكن تكون عدوانيه او صراخ لانه مش عارف يعبر وبالتالي الميس هناك لو مش فاهمه حالاته مش هتقدر تتعامل معاه صح بل الموضوع هيزداد اكتر

٢/ مش بناخد اوميجا 3 يا ماما لان الاوميجا هيزود حركته اكتر ماهي زياده ،الاوميجا يتكتب من دكتور

٣/ مش بنفتح تليفزيون طول الوقت او ندي للطفل الفون عشان نشغله ويبطل صراخ او عشان انا مشغوله
لان كميه المدخلات اللي بيتفرج عليها بتعمل هاله على جدار المخ فالطفل هيفقد احساسه بالزمان والمكان ونرجع نشتكي
⬅️انه مش اجتماعي ومش بيتعامل مع اللي حواليه بشكل
كويس
⬅️عدواني مع الأطفال