التربية مش سهلة ❌️ و مشوارها طويل
فى ايام بتكونى عايزة تصرخى او تمشى ل مكان بعيد و محدش يعرف يوصلك فيه .. بتكونى مش عارفه تتعاملي مع حد ولا عندك قدرة انك تشرحى انتى حاسة ب ايه !
و لما بتستنزفى طاقتك كلها غصب عنك بتتضطرى تكسرى مبادئك ( امسك يا حبيبى الموبايل، افتح ال تلفزيون و هات الكرتون اللى بتحبه .. الخ )

و اللحظة اللى بيناموا فيها بتحسى ان الدنيا كلها سكتت .. و بيوحشوكى و نفسك انهم يصحوا يتكلموا معاكى حتى لو ب زن ..
و ف الوقت ده بيحصل بينك و بين نفسك جلد ذات و تأنيب ضمير رهيب و بتقولى جواكى ان كل اللى حصل فى اليوم مكنش مستدعى كل الزعيق و العصبية اللى طلعوا منك و بتسألى نفسك
يا ترى الزعيق ده عمل تأثير ف نفسيته ..طب هو كده مش هيحبنى؟ طب هو انا ام وحشة او ام فاشلة ؟
ولا انا بس تعبانة و محتاجه حد يطبطب عليا ؟
و اسئلة اكتر من كده ب كتير ⛔️
الحقيقة و اللى جاية اقولهالك انهارده ✅️
ان مفيش ام وحشة ❤️ انتى بس مُجهدة .. طاقتك بتخلص و ده بيكون غصب عنك
كلنا بيجى علينا اوقات طاقتنا بتخلص .. بس بنجددها ب حاجه بنحبها او بنحب نعملها
انتى مس هتكومى ام مُقصرة لو فصلتى لوحدك بعيد عن أولادك يوم او ساعتين كل يوم ..
ده حق نفسك و جسمك عليكى ! اعملى ال حاجه اللى تخليكى مبسوطه.. و الاهم من ده كله وقت ما تعملى ده متأنبيش ضميرك انك مقصرة مع اولادك ف ال كام ساعة اللى هتفصلى فيهم 😉😉

و افتكرى دايما إن ابنك نفسيته بتيجى من نفسيتك !
لو نفسيتك تعبانه تأكدي لن ابنك هيكون مش مبسوط..
و لو انتى مرتاحة و نفسيتك اهدى تأكدي أن ابنك هيكون سوى و مرتاح نفسيا 🤍🤍