"ابنى بيقول الأخوه ألفاظ غير مقبوله ممكن يندهله بيا أسطى "😳
"بنتى الصغيره عندها 3سنين وشويه ومش بتنطق غير كلمتين ومبتقولش كلمات كتير "
"اطفال الإتنين بيسهروا كتير وبنيمهم بالعافيه "🙆‍♀️

"ابنى يشوف اى لقطه فيها ضرب وعنف واخدها ويقعد الحركات على اخواته واصحابه فى المدرسه بيجيلى شكاوى كتير"
"بنتى بتسرح كتير وهى بتذاكر وبطيئه حتى وهى بتذاكر "🙀

كل دى شكااوى بنسمعها من الاهل حتى ممكن تكون بالفعل بتحصل فى بيتك او عند حد قريب منك بسبب مشكله الافراط فى مشاهدة التليفزيون

هو مشاهده التليفزيون دى كمان بقت بتسبب ضرر كبير لسلوك الاطفال 👀
اه طبعا دى بتسبب مشاكل كتير منها 👇

✔تخلى الطفل يقلد مشاهد العنف او الضرب
✔تقليدها للسلوك او الألفاظ غير المقبوله اجتماعيا ومجتمعيا
(خد بالك الطفل كل ده هو بيقلد بس سنه مش واعى هو ده صح ولا غلط)


✔بتسبب مشكله فى العلاقات الاجتماعية للطفل من حيث التواصل
✔بيبدأ يرفض سلطه الاهل لما بيقلد الاسلوب وبعض السلوكيات الأخرى الغير مقبوله

✔تاخر فى التحصيل الدراسى

✔بتكون السبب فى سوء انضباط الطفل للمهام يعنى مثلا بيسهر فيقوم متاخر دى النتيجه فيتسبب تشتت للتركيز فى يومه

✔ضعف انتباه
سواء مع أهله لما مثلا يطلبوا حاجه او يكلموه

✔بيسبب تاخر فى النطق

✔حدوث انطواء او عزله للطفل

✔تزيد من الكسل وتقلل من حركه النشاط للطفل

كل دى نقاط احنا بنقابلها من تأثير التليفزيون عليهم وبيكون سلبى بدرجه كبيره تأثيره

طب وايه الحل هقولك💁‍♀️
✔حددى وقت معين تكونى حازمه فى فرض المده دى

✔وراقبى المحتوى إللى بيشفوه هل هو حلو ولا مش حلو
✔ممكن انت تبدأ تشاركيهم أو تساعديهم فى اختيار حاجه مفيده

✔ممكن تاخدى خطوه انك تعلقت على السلوك الظاهر أثناء المشاهده لو سئ او مش حلو اعرفه ان ده سلوك غلط وفاهمه

✔اشجعهم يلعبوا العاب مفيده بدل مشاهدة التليفزيون
بمعنى اصح مالى وقت فراغهم بدل التلفزيون أنشطه

✔واهم حاجه زى ما قولت قبل كده مستخدمش أسلوب العنف لما يغلط (اتكلم واشرح)
✔استخدام الايحاءات الإيجابية والمعززات الايجابيه لما يعمل سلوك كويس اشجعه

✔تجاهل السلوك السلبى او تهميشه
✔ممكن تجبيها بصيغة سؤال تفتكر هو كده صح ولا غلط (على القطه إللى شافها ) ولو جاوب غلط تفهميه الصح بطريقه تناسب سنه

✔مع اقتراب موعد النوم منع اى مشاهده لأى شاشه

↩خدى بالك مش شرط المشاهده تقتصر على التليفزيون بس يعنى راقبى كل حاجه سواء فون او تابلت
اى شاشه ممكن يقلد منها