🔴 انتباه
في الوقت الحالي بقت الأمهات عشان تسكت طفلها تسيبه قدام التليفزيون أو يأخد التليفون عشان يبعد عنها شويه وميزنش.
وهي مش مدركة إنها كده بتحط طفلها قدام خطر كبير
(خطر الشاشات)📱🖥️
⬅️ طب أزاي ممكن الشاشات تأثر على الأطفال ؟!
تعالي أقولك عزيزتي الأم ممكن ده يسبب أي لطفلك:-
1️⃣ هتسبب لطفلك تأخر لُغوي
أزاي؛ أنه هيكون قاعد قدام التليفزيون/ التليفون. بيستقبل بس ومش هيعبر لان مفيش حد قاعد جمبه بيكلمه هو بيستقبل من الفون وبس وبكده هيتسبب لحدوث تأخر لُغوي عند طفلك.
2️⃣ هيسببله مشكله في التفاعل الأجتماعي وأنه يتعامل مع الناس اللي حوليه.
وده ممكن يؤدي للعزله .
3️⃣ أخطر حاجه ممكن تسببها الشاشات ((ضعف القشرة المخيه)) خصوصا لو أتعرض للشاشات تحت سن سنتين
ودي بتأثر علي كل الجوانب النمائيه عند طفلك.
4️⃣ هتسببله مشكلة في التحصيل الأكاديمي ومن هنا تيجي مشكله الأمهات أبني بينسي بسرعه المدرسين بيشتكوا منه كتير .
وأحنا اللي بتكون السبب في ده عشان بس استسهلنا وحطيناهم في الخطر بأدينا.
⚫ أشغلي طفلك وألعبي معاه بدل ما تديله التليفون/ التليفزيون.✨
🔴طيب هو أي طفل هيتعرض للشاشات تبقي مشكله ويحصله الحاجات دي ؟!
⬅️ فبكل بساطه أنا جايه أقولك لا .🤷🏻‍♀️
ميحصلش مشكلة إلا لو الطفل أتعرض لمده زياده عن المده الطبيعية.
🧐 أي ده هو في مده مسموحه أصلا للأطفال ايوا فيه.
طب اعرفها أزاي المده دي ؟!🤔
أنا هقولك المده الطبيعية دي بتكون :---
🔴العمر الزمني للطفل ×6= الناتج بالدقائق
يعني لو طفلي عمره 5 سنوات
هيكون 5×6=30 دقيقه
يعني مسموح نص ساعه بس .
ـــ طيب تمام يا دكتور أنا خلاص هخليه المده بس اللي قولت عليها .
هقولك ماشي بس برضوا في شويه شروط وتعليمات لازم نمشي عليها 🫣
⚫ طفل عمره سنتين : ممنوع ليه الشاشات نهائي.
⚫من سنتين ل ٤ سنوات : يتفرج علي كرتون بشرط يكون حقيقي وتعليمي زي عالم سمسم وكده وتكون الأم جمب الطفل وتكلمه ويتفرجوا مع بعض.
🔴ممنوع في السن أقل من ٤ سنوات أي كرتون في خيال لان كده الطفل هيقلد لسه الخيال متكونش عنده.
⚫ 4 سنوات : عادي ندخل كرتون خيال للطفل🦸🏻‍♀️ .
⚫6سنوات : مسلسلات وأفلام عادي بغرض أدخله مفاهيم مجرده زي (الحب / الحرية/ الديمقراطية......).
🔴🔴أخر حاجه بقي يا دكتور معلش بس انا أبني ٢٤ ساعه علي التليفون والتليفزيون ومحصلوش اي حاجه من اللي بتقول عليها دي خالص 🧐
⚫ أقولك أن كل طفل من عشر أطفال بيتأثر بالشاشات فعلا ودي فروق فردية بين الأطفال.