هنتكلم انهارده عن اللدغات 🗣️

يعني اي لدغة ؟!🤔
✨هي إبدال صوت بصوت آخر نتيجة خروجه من مخرج ليس مكانه الصحيح .

يعني اي برده 🤷
✨يعني كل صوت من اصوات الحروف بتاعتنا بيكون ليها مخرج معين (مكان بينطق منه الصوت )في حالة أن أنطق صوت من مخرج تاني لصوت تاني يبقي كدا هنطقه غلط وده الي بقول عليه اللدغه .

✨نيجي المهم بقي !
هل هي وراثية (لا )
طب احنا عايزين نعرف أسبابها ✍️
اولا / ممكن تبقي نتيجة للمشاكل العضوية ودي لازم تدخل طبي وجراحي الاول قبل التأهيل ومنها:
١ـ رابط اللسان
٢ـ الشفة الارنبية
٣ـ تشوهات الاسنان وعيوب الفك
٤ـ الضعف السمعي
ثانيا / تكون ناتجه عن عاده خاطئة زي أن انا اعزز الطفل علي النطق الغلط وابقي مبسوطه واقلده أو نضحك علي كلامه وغيرها من التعزيزات السلبية
أو تكون لدغه مكتسبه في حاله وجود شخص لديه لدغه ويتم التعامل مع شخص تاني عن قرب وبصفه مستمر .

✨هنتعامل معاها ازاي 🤔
١ـ انتاج الصوت( يعني التدريب علي النطق الصحيح للصوت )
٢ـ المقطع (التدريب علي المقاطع الصوتيه سواء المدود أو المقاطع ليس لها معنى )
٣ـ الكلمة (التدريب علي نطق الصوت في بدايه ووسط وأخر الكلمه )
٤ـ الجملة ( التدريب علي نطق جمله من عده كلمات تحتوي علي الصوت والتدريب علي قصص الحروف )
٥ـ الحوار والدردشه التلقائية