🌪️ معاناة الطفل الحركي... اللي محدش فاهمه!

الطفل الحركي دايمًا في حركة وقفز وتنطيط... وكل اللي حواليه بيشتكوا من شقاوته،
بس الحقيقة؟ هو طفل مختلف... حساس... وحنين جدًا ❤️

💙 الطفل الحركي مش شقي ولا عنيد... هو بس مش بيعرف يعبّر!

بيحب الحضن والعناق جدًا... حضنيه كتير

مشاعره قوية ومش دايمًا يعرف يقولها

لما يقفز ويتحرك، هو بيفضّي طاقته مش بيغيظك

عنده ذكاء كبير جدًا، حتى لو شكله مش مركز

وأكتر طفل بيتجرح بكلام الناس… من كتر ما بيتقال عليه "صعب"، "مش طبيعي"، "مش متربي"

📌 إزاي تتعاملي معاه؟

🧩 وقت المذاكرة:

شيلِي المؤثرات حواليه… هدوء بس من غير ضغط

لو بيلعب، اديله وقته وكملي معاه بعد ما يخلص

خليه يتحرك وهو بيذاكر...
🎈يمسك كورة صغيرة
🍿 ناكله فشار سوا
🚲 يذاكر وهو على العجلة
🚶‍♂️ يمشي شوية قدامك وانتِ بتشرحي

حاولي تكيفي المذاكرة على طريقته، مش تربطيه في الكرسي بالعافية!

🛠️ في البيت؟

شاركيه في الحاجات: يفك، يركب، يصلح، ينقل حاجة

هو محتاج يحس إنه بيساعد... وده بيطمنه جدًا

🤕 عارفة؟ الطفل ده هو أكتر حد بيتصاب بالكلام...
مش لأن عنده مشكلة، لكن عشان الناس مش فاهمين طبيعته

لما تسمعي حد بيقول لأمه "ابنك ده مش طبيعي"... قوليلهم: "هو طفل، بس طاقته عالية شويه"

ولو مش هتقدروا تقولوا كلمة طيبة… قولوا: "ربنا يعينك ويهديه" 🙏

💙 الطفل الحركي محتاج "قلب كبير" يفهمه،
مش عصبية تضيع طاقته ولا مقارنة تكسر نفسه.
افهميه، وادعميه، وافتكري دايمًا:
ده مش عنيد... ده محتاج حب واحتواء.