🌟 *طبعا مفيش اغلى من اولادنا* 🤟

🛑✍️طبعا فيه شوية مشاكل بتواجه كل أب وأم في تربيه أولادهم 👫

📌تعالي اقولك نحل ده ازاي ونتجنب أن يحصل تاني ازاي 🤔

🔸 ابعدوا الاولاد عن الخلافات الشخصيه الي بنكم
🔶بنفهمهم أن في اختلاف في وجهات النظر بين بابا وماما بس عشان نوصل لحل افضل
🔸 لازم نحترم بعض وميحصلش تطاول من الاب أو الأم أمام الاولاد لان ده هيولد شعور بعدم الأمان
🔸نحاول نعدل في المعامله بينهم (يعني الجمله بتاعت اصل بحب ده اكتر من ده او ده اشطر من ده غلط )
🔶 المشاركه الإيجابية وديه الي هي تشاركهم في أخذ قرار في البيت بخصوص شئ معين اديهم بعض المهام الخاصة بحيث ننمي عنده تحمل المسؤولية وان كلنا بنشتغل علي أن الاسره تبقي افضل
🔸مينفعش اخلي ابني محور هزار أو تريقه أو أظهر ضعفه قدام حد لان ده هيخليه معندوش ثقه في نفسه
🔸 البشر كلها بتغلط مينفعش اقول لطفل متغلطش لاء لأن الخطأ ده بيعلمه الصح بس اقدم نصيحه لتجنب حدوث خطأ
🔸مهم جدا مينفعش الولد او البنت يغلط بابا يعاقب وماما لاء او العكس لان ده هيخلي الاولاد نفسهم عندهم تشتت الفعل الي عمله صح ولا غلط
🔸العقاب الجسدي(الضرب أو القرص) فائدته مؤقتة مش دائمة وسلبياته كتير على الطفل.
يعنى الضرب مش هيمنع السلوك الغير مرغوب بل أوقات كتير بيثبته وبيخلق سلوكيات سلبية اكتر عند الطفل.
🔸الدلع الزائد والتلهف الزائد على الطفل هيخلق منه شخص معندوش شخصية واعتمادى بشكل صعب وثقته بنفسه هتضعف و ميقدرش يتحمل مسؤولية
والعكس القسوة الزائدة على الطفل هتخلق منه شخص كاره لل حواليه بما فيهم الاب والام وهتخليه كمان عدوانى وتوديه لاضطرابات نفسية كتير أوى.
🔸أنا عارف ياماما انك عاوزه ابنك او بنتك أجمل وأشطر طفل فى الدنيا لكن ممكن ربنا يكون اداله قدرات أقل من الاطفال اللى فى سنه،هنا لازم تبطلى تقارنيه بيهم وتحسسيه بعجزه اللى هو ملهوش ذنب فيه
هنا بردو لازم تبطلى تشدى عليه وتصرخى فى وشه عشان مش عارف يحل مسأله رياضيه بسيطة خالص من وجهة نظرك
لكن هو بقدراته القليلة شايفها صعبة وانتى كده بتهديه اكتر واكتر
هنا لازم تعرفى أنه محتاج يتطور ونشتغل على نقاط ضعفه وتصبرى وهيبقى أحسن من اللى فى سنه كمان.
🔸لو بنعدل سلوك معين عند الطفل زى مثلا (الشتيمة) لو كل المحيطين بالطفل اللى بيحتك بيهم على طول سواء فى البيت أو المدرسة أو النادى ماشيين على الصراط المستقيم ومحدش فيهم بيشتم خالص ماعدا واحد بس بيشتم ادام الطفل ولا كأننا عملنا حاجه ومفيش حاجه هتتعدل بسبب اللى بيشتم ده
قيس ده بقى على كل السلوكيات السلبية..
🔸الرياضة(السباحة،كرة القدم،الجمباز،الخ..) دى مش ترفيه وخلاص ومش بتضيع فلوسك على الفاضي زى ماانت فاكر
الرياضة دى مهمة للطفل ممكن أبالغ وأقولك أنها تيجى بعد الأكل والشرب كأهمية.
🔸الطفل مرايه لبيته بيعكس سلوك الاب والام
ده تيته وجدو كمان وأى حد بيتردد عليه سواء فى الحضانه أو المدرسة أو أى حاجه بيتفرج عليها سواء فى التلفزيون أو الموبايل هتسيب فيه أثر سواء ايجابى أو سلبى.
🔸مهم جدا نوفر للطفل بيئة وأسرة مليانه حب وأمان واستقرار ونعود الطفل أنه يتحمل المسئولية ويبقى ليه وضع ودور فى الأسرة.
🔸لازم يبقى عند أولياء الأمور مرونة فى التعامل مع الطفل يعنى تبقى لين وطيب فى الوقت المناسب وشديد وحازم فى الوقت المناسب (لين بدون ضعف،وشدة بدون عنف).
🔸العصبية من الصفات اللى طفلك هيورثها منك ولو متحكمتش فى عصبيتك ادامه هتثبت العصبية عنده اكتر واكتر.

👶 اولادنا هم استثمارنا في الحياه ودليل نجاحك أن النشئه الي الاولاد نشئو فيها صالحه 🫶

✨ *الأخصائي* ✨