ابني عنده سنتين وبيقول كلمات بسيطه طب اعمل ايه؟؟ اروح لدكتور ولا مركز ولا اودي اكشف عليه
باااااااااااس اهدي يا ست الكل
سنتين وبيقول كلمات بسيطه
اهم حاجه بينتبه لما حد ينده عليه ، بينفذ اوامر ، تركيزه حلو متفاعل مع الناس
لو الاجابه: اه
يبقي مفيش مشكله قد تكون المشكله انه مش بيخرج كتير ولا بيتفاعل مع ناس كتير وممكن يكون بيقعد قدام التليفزيون والموبايل كتير فده بيخليه طفل مستقبل فقط ولازم عشان يتكلم يتفاعل ويعبر
فاحنا نعمل ايه نمنع الشاشات نهائي ونقعد نتكلم معاه ونلعب معاه ونسمي قدامه كل حاجه وننزل بيه ان شاء الله للكشك تحت البيت ونخليه يختار ويشتري ويدفع ويتعامل وواحده واحده والدنيا هتظبط ان شاء الله
طب امتي اقلق اوي بقا لما يبقي سنتين ومش بيتكلم نهائي ولا بينتبه لما حد ينده عليه ولا بينفذ اوامر كده يبقي في مشكله واروح لمتخصص