ابدئي الرحلة بـ
#لمسة_وعي 🌱
لإن خطوة واحدة ممكن تفتح باب الفَهم، وتغيّر مستقبل ابنك 💛

👶 "إزاي أعرف إن ابني ممكن يكون عنده مؤشرات توحد؟"
سؤال بيجي في بال أمهات كتير…
خصوصًا لما يلاحظوا إن طفلهم مش بيتكلم أو مش بيتفاعل زي باقي الأطفال.

لكن المهم نعرف إن التوحد ليه علامات واضحة ممكن نلاحظها من سن صغير.

📌 علامات ممكن تشير لاضطراب طيف التوحد:

🔹 ما بيبصش في العين أو بيتجنب النظر ليكي
🔹 مش بيرد على اسمه لما تنادي عليه
🔹 ما بيشاورش أو يستخدم إشارة "باي" أو "تعالى"
🔹 مش بيقلدك في الحركات أو التصرفات
🔹 مش بيلعب لعب تخيلي (زي يطبخ أو يكلم العرايس)
🔹 عنده تأخر واضح في الكلام أو مابيقولش كلمات واضحة بعد عمر سنتين
🔹 بيكرر نفس الحركة كتير (زي التأرجح أو لف الحاجة)
🔹 متعلق بروتين معين جدًا وبيتضايق لما يتغير
🔹 حساس جدًا لأصوات، أضواء، أو لمس معين
🔹 بيلعب لوحده أغلب الوقت ومش بيحب يندمج مع الأطفال


👩‍⚕️ مش لازم كل العلامات تكون موجودة،
لكن وجود أكتر من علامة بيخلينا ناخد بالنا ونبدأ نسأل.

#ندى_صابر
#لمسة_وعي
#التوحد
#علامات_التوحد
#كل_طفل_مميز
#وعي_الأهالي
#التربية_الخاصة
#طفلي_مش_غلط