🌀التكامل_الحسي

ناس كتير من الأهالي اللي عندهم اطفال من ذؤي الاحتياجات الخاصة، أو الاخصائيين اللي شغالين في مراكز علي قدها ،او مفيهاش غرف تكامل حسي ،بيسمعو أن في مجال التربية الخاصة في كلمة أو جلسات (تكامل حسي)؟؟
يا تري إيه المقصود بيه ؟

🎞️االتكامل الحسي :هو عملية تنظيم المدخلات (المثيرات) التي يستقبلها المخ من أجل إعطاء معني لها 🎞️
يعني احنا هنا شغلنا عبارة عن اننا بندخل هذه المعلومات والمثيرات إلي المخ بشكل منظم ومتكامل.

طيب هي دي نظرية وكلام علمي ولا فهلوة ولا اي ؟
🔆لا طبعاً ده كلام علمي ونظريةأول من وضع أسس نظرية التكامل الحسي العصبي :هي المعالجة الوظائفية الأمريكية (جين إيرز)هي أخصائية العلاج الوظيفي وده كان ١٩٧٢م
ومن وقتها أصبح في نوع جديد من العلاج يعتبر تحت العلاج الوظيفي أو منبثق منه فرع يسمي (العلاج بالتكامل الحسي

وياتري ايه هي الحواس اللي بيشتغل عليها الاخصائي أو المعالج بالتكامل الحسي ؟

اغلب الآراء بتقول انهم ٨حواس بس لو ضمينا حاستين هيبقوا ٧
طبعاً في ناس هتستغرب ويقولو 7 و8 ازاي اللي اتعلمناه أن الإنسان عنده 5حواس بس
اللي هما (البصر /السمع/التذوق /اللمس /الشم)دول ٥

طيب في شغلنا احنا بقي بنزود بقي ٣كمان(الحاسة الدهليزية /الحاسه العضليه العميقه /الحسي التلامسي) فبيبقو 8

🤝الحاسه التلامسيه
———————
دي اللي بنقدر من خلالها نحدد لو حد لمسنا اللمسه دي ف اي مكان بالظبط ف جسمنا وهل اللمسه دي عاديه واللا لمسه مش حلوه

🦵🏻الحس العميق
——————
وده الحس المسؤل عن احساسنا بعضلاتنا ومفاصلنا ومسؤل عن موضعيه اعضاء الجسم
بالنسبه لبعضه
مثال : غمض عينك وارفع ايدك فوق✋🏻
لو سألتك بقي وانتي مغمض كده رفعت ايدك اليمين ولا الشمال ؟؟؟
تلقائيا من غير ماتشوفي
هتكون عارف انك رفعت ايدك اليمين او الشمال ناحيه فوق

..وهو مسؤل أيضا عن القوه العضليه يعني انتي لما بتشيلي شنطه تقيله او خفيفه بتحددي القوة العضليه اللي هتشيلي بيها الشنطه وبتبتدي ترفعي بقوه تناسب وزن الشنطه

الحس العميق بقي يدخل جواه حاستين تانيين:

١-( الحس الخارجي وده المسؤل عنه حاسه اللمس ده احساسنا الخارجي بأي حاجة تلمس الجلد )

٢-(الحس الداخلي وده المسؤل عن الاحاسيس الداخليه زي الجوع والعطش والألم واحساسنا اننا عايزين نعمل بيبي يعني اي احساس داخلي حتي القشعريره) وفي ناس بتعتبر دي وحدها حواس
🏄🏻‍♀️الحس الدهليزي
———————
وده الحس المسؤل عن اتزان الجسم وموضعه ف الفراغ

يعني ده نظام موجود داخل الاذن الوسطي عامل زي الحلزونه كده وجواه سائل لزج عامل كده زي ميزان الميه

لو السائل ده مش موجود بشكل سليم ومظبوط داخل الاذن

بيبدأ الانسان يفقد اتزانه ويدوخ ويمشي يتطوح
ميعرفش يوزن نفسه ف الفراغ
ميعرفش يركب مرجيحه
وميعرفش يلعب اي لعبه فيها حركه ومحتاجة توازن

في كتب بقي بتقول اننا لو ضمينا (عضلي +تلامسي)=حس عميق فبيبقو7،ده غير أن في ناس وكتب تانية واراء بتزود بعض الحواس الداخلية زي( حاسة الجوع وحاسة الشبع)
بس اغلب الآراء اتفقت علي انها تنحصر بين 7و8 حواس .
📝somiayasserHandal