هنعرف معاكم دلوقتي
ازاى اتصرف لو لاحظت ان ابنى متأخر فى الكلام ؟👀 نركز هنا معايا👎😎
1)لازم نعمل مقياس سمع (ضغط الأذن )
طب لو ولى الأمر قال ان أبنى بيسمع ليه اعمل مقياس 👀مش شرط عشان ابنك بيسمع منعملش المقياس لان احنا بنعمله عشان نشوف درجه السمع ونطمن ان سمعه سليم عشان يعرف يفهمنا .

2) لازم تحاول تتكلم مع طفلك حتى لو مش فاهمك مش مشكله المهم إنه يسمعك عشان يتشجع ويعرف يقلدك ، تنطقيله الحاجات إلى حواليكى (سرير _ كنبة _تلاجه ) وتقرأيله قصص قصيرة .

3)لازم تشجعيه إنه يتكلم حتى لو إنتى مش فاهماه بينيله إنك مهتمة تسمعيله ، ولا تقاطعيه وتصلحيله كل شوية سبيه ياخد مساحته إنه يتكلم براحته ممكن مثلا لو غلط فى ١٠ كلمات ( نصلحها ٣:٤ كلمات) .

4) أنطقى الكلمات بمخارج ألفاظ واضحة عشان الاطفال فى بداية كلامهم بينطقوا بطريقتهم لذلك لازم وانا بلاعبه أو شغاله معاه انطقله الكلمات بشكل واضح وسليم .

5)فى أطفال لم تبدأ تتكلم بعدها بشوية بنلاحظ إنهم بيتهتهوا ، فلازم نديهم ثقة ومانتريقش عليهم وامدح فيهم ونخليهم يتكلموا بهدوء .

6) لم نروح مركز تخاطب لازم امشي على التدريبات الى بيعملها الاخصائي وينصح بها .

7)لما ياخد كلمة جديده فى التخاطب لازم ندخلها فى جمل كثير موزه مثلا (افتح التلاجة خد موز _ تعالى نشترى موز _ هاتلى موزه من التلاجة ) لازم نشرح تفاصيل وجمل كتير عن الكلمة .

8)نقلل من مشاهده الشاشات لان الإفراط في استخدامها قد يؤثر على مهارات التواصل لدى الطفل.

9)لا تقلقوا بشكل مفرط لأن كل طفل بيتطور بوتيرته الخاصة، لكن التدخل المبكر هيصنع فرقاً كبيراً لو كانت هناك مشكلة حقيقية.

اخصائي الصحة النفسية
ا/تقى محمد أنور
حلقات سلسله #الوعى_بالأمومة