الحرمان البيئى
او خلينا نقول الاخ التؤم للتوحد ودا لان اعراضهم بتتشابه
الحرمان البيئى ببساطه جدا هو تأخر فى نمو اللغه ودا بسبب حرمان الطفل من البيئه الطبيعيه الى حواليه الى بيتمتع بيها اى طفل فى نموه الطبيعى

اسباب الحرمان البيئي
: انشغال الاب والام عنه
: دايما قدام الشاشات والكرتون
: مالوش اخوات اكبر او اصغر منه او موجودين بس مشغولين عنه
: الاب والام مبيتكلموش معاه وبالتالى الاستقبالى عنده من الكرتون ودا معناه انه مافيش تعبيرى وحتى الاستقبالى عنده باللهجه مختلفه وغريبه
: او ان الام عشان مشغوله الطريقه الوحيده قدامها انها تديله الفون عشان يتسلى وميدوشهاش

الاعراض
: تأخر اللغه
: تشتت انتباه
: مبيستجبش لاسمه
: مبيستجبش للاوامر
: فى حركات معينه دايما بيحب يعملها

طيب انا ك ولى أمر اى الى ممكن اتجنبه عشان طفلى ميبقاش عرضه للحرمان البيئى؟
: اتكلم معاه كتير جدااا
: مسيبهوش فتره طويله لوحده لو انا مش معاه مع بابا او اخواته
: اقراله قصص وياريت قصص مصوره
: وبلاش اسيبه قدام التلفزيون والفون والشاشات وبلاش كرتون
: بلاش اى حاجه مجرد مايشاور عليها اجبله ساعديه ينطق اسم الحاجه
: سميله اى حاجه فى ايدك او فى ايده او اى حاجه بيشوفها
: بدل اللعب على الفون نجيب لعب وانشطه مفيده زى بازل ومجسمات واى حاجه تزود ادراكه وشاركيه كل الالعاب دى

( حرمان بيئى المقصود بيه هنا تعبير مجازى لانه مافيش تشخيص علمى بالمصطلح)