امهات كتير بتسالني ازاي نعدل سلوكات ابننا واحنا في البيت من غير ما اروح لمتخصص
متى أعرف إن إبني محتاج تعديل سلوك؟؟

فى البداية لازم نفهم الاول ايه هو الهدف العام من تعديل السلوك ......

الهدف العام ان كلنا عندنا مشاكل بس فى مشاكل معينه نقدر نعدلها ومشاكل تانية لاء .......

️⁩لازم الاول نفرق بين السلوك والصفات بمعنى

️⁩العدوان دة صفة مش سلوك يعنى اما الام تيجى وتتكلم معاية وتقولى ابنى عدوانى اقولها يعنى بيعمل اية فتبدء تشرح وتقولى سلوكيات دة المقصد ان الصفة جواها مجموعة من السلوكيات

️⁩السلوكيات لازم تكون قابلة للملاحظة وللقياس اما الصفة فهى غير قابلة للملاحظ ولا القياس .....

علشان أقول ان ابنى او بنتى محتاجة تعديل سلوك لازم يتوافر فى الطفل مجموعة من الشروط هى .....

️⁩لازم يكون السلوك متكرر "حتى لو كررة مرتين فقط"
️لا يتناسب مع المرحلة الزمنية للطفل "مثلا سلوك التبول اللاإرادى لو الطفل عندة سنة واربع اشهر مثلا يعتبر السلوك عادى لكن لو الطفل كان سبع سنوات مثلا ميعتبرش عادى "
️⁩السلوك يكون غير مقبوك اجتماعيا
️⁩السلوك يكون معطل "يكون السلوك معطل للطفل ويوقف حياته ويأخرها"
️⁩ان يكون السلوك مضر " بيكون مضر لنفسة وللى حوالية "

وهنا اقدر اقولكم ان لازم يتوفر شرطين من الشروط دى على الاقل علشان نعدل سلوك الطفل

قبل متلجأى لمتخصص لازم تعملى شوية حجات تعالى أقولك عليها .....

لازم نضع قواعد للسلوك بمعنى انى مثلا اتفق مع الطفل على عدد ساعات معين لمشاهدت التليفزيون أومبلغ لشراء الحلويات لايتعداة فى اليوم .....
القواعد دى بتحد من السلوكيات جدا وبتعود الطفل على عدم الالحاح فى طلب الاشياء .....

لازم اكون حازمه مع طفلى بس مش عنيفة الطفل متعود منك على الصراخ الدائم فبالتالى مبيعرفش يفرق ماما امته بتكون حازمه فى قرارتها لازم تقولى الكلمة ومترجعيش في اى قرار اخدتيه مهما كانت النتائج علشان متفقديش هيبتك امام الطفل ومتوعدهوش بحاجة وتخلفى ......

ممكن نعمل افكار كتير لتشجيع الاطفال وتعزيزة تعزيز ايجابى وهنزلهلكم فى البوست

هدف الافكار دى تشجيع الاطفال على المواصلة على السلوك ليصبح عادة ليه ......

مشاركة الطفل اهتماماته واللعب معاه ومحاولة تفهمه وتقريب المسافه بيساعد كتير في تعديل السلوك والتزام الطفل معاك لأنه حابب يرضيك ويقرب منك ....

لو عملتى كل دة ولسة المشكلة قائمة يبقى لازم تلجأ للمتخصصين فى المجال .....

#نهي محمد
#اخصائيةتربيةخاصة
⁦