الطفل وسحر اللغة الغايب: رحلة في أسباب تأخر الكلام 🗣️

تأخر نمو اللغة هو حالة بتظهر عند الأطفال لما يكون عندهم صعوبة أو بطء في اكتساب مهارات اللغة مقارنة بأقرانهم في نفس العمر. يعني الطفل ممكن يكون عنده مشكلة في فهم الكلام اللي بيتقال له، أو في استخدام الكلمات والجمل للتعبير عن نفسه. الحالات دي بتبان في عدم قدرة الطفل على نطق الكلمات بشكل صحيح، قلة عدد المفردات اللي بيستخدمها، أو عدم استخدام الجمل بشكل صحيح ومتسق.

طب إيه أسباب تأخر النمو اللغوي؟

🔴 ١ | الحرمان الحسي 👂
ده يعني إن الطفل بيفقد حاسة من الحواس اللي بتساعده على استقبال الرموز اللغوية من البيئة المحيطة، زي حاسة السمع. لو الطفل عنده فقدان أو ضعف في السمع، ده هيأثر على قدرته على فهم واستيعاب الأصوات والمعاني المرتبطة بيها. فقدان السمع أو ضعفه يعتبر من الأسباب الرئيسية لتأخر النمو اللغوي عند الأطفال، لأن السمع هو القناة الرئيسية لاكتساب اللغة. كمان فقدان حاسة البصر بيلعب دور في التأخر اللغوي واكتساب وتسمية الأشياء الي بيشوفها، بس دوره أقل من حاسة السمع.

🔵 ٢ | التأخر العقلي 🧠
اللغة بتعتمد بشكل أساسي على درجة ذكاء الطفل، وده بيفسر ليه الأطفال عندهم قدرات لغوية مختلفة بناءً على درجات ذكائهم. لو الطفل عنده تأخر عقلي، ده ممكن يسبب مشاكل في نمو اللغة، زي التأخر في اكتسابها أو قلة المفردات أو عدم القدرة على استخدامها في سياق متجانس أو فهمها وتحليل رموزها عند الاستماع.

🟡 ٣ | الاضطرابات العصبية 🧬
الاضطرابات دي بتنتج عن إصابة أو مرض في الجهاز العصبي المركزي، وممكن تؤثر على الأجزاء اللي بتتحكم في الأداء الحركي للغة. الأطفال اللي بيعانوا من الاضطرابات دي غالبًا بيعيشوا في بيئة محدودة، ومش بيكون عندهم الفرصة لاكتساب الخبرات والمفاهيم اللي تنمي اللغة عندهم، وده بيأخر نمو اللغة.

🟢 ٤ | الحرمان البيئي 🏡
البيئة اللي الطفل بيعيش فيها والأفراد اللي بيتفاعل معاهم بيكون ليهم دور كبير في اكتساب اللغة. لو الطفل ما بيلاقيش الإشباع الكافي لاحتياجاته اللغوية في معرفة الأشياء اللي حواليه وممارسة استخدام اللغة بشكل سليم في الحياة اليومية، ده ممكن يسبب تأخر في النمو اللغوي. ده بيحصل لما الأشخاص اللي حواليه مش بيدوله وقت كافي للحوار والتفاعل

✍️ بقلم: Mr / Hossam Hassan
أخصائي الإعاقة العقلية والتوحيد