صباح الخير
كتير من أطفال التوحد بيكون عندهم قلة إحساس بالخطر، يعني تلاقي الطفل مش بيخاف لما يجري على الشارع وسط العربيات، أو ينط في المية من غير ما يفكر، أو يقرب من أماكن عالية من غير ما يحس إنه ممكن يقع.

وده طبعًا بيعرضهم لمواقف خطيرة لو مفيش متابعة قريبة ليهم.
عشان كده لازم نبقى واخدين بالنا منهم كويس جدًا، ونأمن كل حاجة حواليهم، زي الشبابيك، والأماكن العامة، ونفضل معاهم طول الوقت.

بس مهم نفتكر إن:
مش كل طفل مابيفرقش معاه الخطر يبقى عنده توحد،
وكمان مش كل طفل عنده توحد لازم يكون عنده المشكلة دي.

علشان كده، التشخيص مش بيعتمد على صفة واحدة، فيه علامات كتير بنشوفها مع بعض علشان نحدد التشخيص الصح للطفل ونعرف نساعده بالطريقة الصح.

وخليكم فاكرين، الرعاية والعلاج السلوكي الصح بيفرقوا معاهم جدًا!