ازاي أدرب طفل على مهارة "" التصنيف ""
بطريقة عملية 🙈🙈 من الالف للياء
-----------------------------------------------------------------------
الأول لازم اعرف يعني أيه تصنيف 😎 وكمان ف شروط لازم اراعيها لما اجي اصنف 😀
التصنيف للمجموعات ❓ يعني أنا باخد مجموعة من العناصر بتشترك في خصائص معينة وبصنفها تبع المجموعة زي مثلا ( الفاكهة 🍉🍎🍏🍐🍊 ( بطيخ / تفاح / كمثري / عنب ) مجموعة المواصلات ( طائرة / عربية / عجلة / سفينة ) ✈️🛥🛶🚆🚲🚐 وهكذا .......

تعاله نشوف المراحل الثلاثة لتعليم التصنيف
( المرحلة الأولي )
----------------------------------------------------------------------
نختار مجموعة نشتغل عليها ولازم يكون معاها مجموعة مشتت 😎 ليه بقي كويس انك قولت ليه ؟؟ علشان الطفل ميعممش ان كل حاجة في الدنيا هي المجموعة دي وخلاص

اشتغل ازاي بقي 😀😀
هعلم الطفل مثلا مجموعة الفاكهة .......ركز معايا
١_ هناخد صورة تفاح واقوله تفاحة من ( الفاكهة ) و بعدين ناخد كارت كمان ونقوله بطيخ من فاكهة 🍉 ونحطه ع كارت التفاحة وبعدين هنا بقى هنجيب كارت تانى بس من مجموعة ثانية خالص كمشتت مثلا كارت الحصان ،واقوله حصان من حيوانات 🐴 واحط الكارت جنب كارت ال تفاحة
٢_ وارجع تاني اكمل بقيت كروت الفاكهة كلها عنب 🍇 من الفاكهة ، فراولة 🍓 من ( الفاكهة ) وهكذا .......
🙏🙏🙏🙏ركز معايا فى الحتة الجاية دى.
٣_ انا بقوم بحط الكروت اول مرة بنفسى قدام الطفل علشان الطفل يفهم وبعدين بعد كده بدي الكارت وبساعده واوجه الطفل يحط في المجموعة الصح وهنستمر علي كده لحد ما الطفل يعرف ياخد الصور ويحطها علي بعض واخليه يقول اسم المجموعةو اول ما يعرف واتاكد من معرفته
نبدأ في تدريبه على مجموعة تانيه ولتكن .......
( الحيوانات) 🐴🦖🦏🐂🐃🦒 ونشتغل بنفس الخطوات السابقة ولما يعرفها ابدأ بقى دمج المجموعتين معا (الفاكهة والحيوانات ) ..........اعملها ازاى دى🙉🙉
اديله مرة كارت من الفاكهة والطفل يقوله ويحطه في المجموعة الصح ومرة كارت من حيوانات ويحط في مجموعته صح للحيوانات ( كارت كارت بالتبادل يعني ) وندخل فى مجموعة ثالثة جديده ونشتغل بنفس الطريقة كل ما الطفل يخلص مجموعة ندخل في مجموعة جديدة لحد ما نوصل ان بدي الطفل اي كارت ويحط ف المجموعة الصح .

( المرحلة التانية ) ✌🏻
---------------------------------------------------------------------
هبدأ اخد كل مجموعة لوحدها واقول للطفل ( تفاح / عنب / كمثري / فروالة ) دول مجموعة ايه او دول كلهم ......... والطفل يقول طبعا بشتغل بصري بالكروت ولو قال صح ندخل علي مجموعة تانية
( حصان / حمار / قطة ... ) دول ايه ....... وهكذا لحد ما اخلص كل المجموعات اللي اشتغلت عليها في المرحلة الاولي ☝🏻 طب خلصانهم ( بصري )
نبدء نعملهم بقي ( سمعي) من غير صور نفس الفكرة بس سمعي
هاقول للطفل (حصان /حمار /قطة ....) دول ايه

( المرحلة الثالثة ) 🤟🏻
-----------------------------------------------------------------------
هنا بقى حضرتك هتشتغل عكس المرحلة الأولي طب ازاى.. انا هقولك اهو
اعرض على الطفل اسم المجموعة والطفل يقول العناصر
يعنى ايه .....يعني ازاى......طب ندى مثال
هنقولهه فاكهة زي .................
حيوانات زي ..............
مواصلات زي .............. وهكذا
طبعا لو الطفل معرفش بساعده بالكروت بصري وبعدين بسحبهم لحد ما يقولهم سمعي

خد بالك بعد كل ده لازم تعمم .....يوووه لسا تااانى
اه وهتحط كل الكروت كلها قدام الطفل بشكل عشوائى
وتبدء تساله على اسم كل كارت ومجموعته
ولما تخلص الهدف ادخل بقى على تصنيف الوظيفة و الخصائص وطبق نموذج rffc,lffc استقبالى وتعبيرى