متخليش حد يستغلك ويقولك ان التوحد مرض وانا هكتبلك علاج ليه وهيروح
التوحد اضطراب مش مرض يحتاج لتأهيل
التوحد درجات ( بسيط – متوسط – شديد )
الطفل قد يحتاج شغل على التخاطب و تنمية المهارات و الرعاية الذاتية والمهارات الحركية و الحسية ودا على حسب مشاكل الطفل
ايه هي سمات التوحد؟
١-نقص الوعي في التواصل الاجتماعي
٢-تأخر في الكلام
٣-ترديد الكلام
٤-بيعمل سلوكيات نمطيه زي ( الرفرفة أو يركز اوي مع أي حاجة بتدور زي المروحة – يبص على ايده بشكل مبالغ فيه – بيمشي على أطراف صوابعه – يمسك حاجة ويلفها حوالين ايده )
٥-الغضب الشديد من أي تغيير لروتين يومه
٦-الأصرار على اتباع روتين معين
٧-بيضايق من التلامس او الاحضان
٨- نوبات ضحك أو غضب لأسباب غير مفهومة
٩- لعب غير هادف
١٠_يخاف من أشياء لاتستدعى الخوف ولا يخاف من الأشياء التي تستدعي الخوف
مثل :لايخاف من عبور الطريق والجري أثناء سير السيارات
١١- مش بيفهم الإيماءات والاشارات
ومش شرط طبعاً تكون كل السمات دي موجودة عند كل الأطفال.