تربية الطفل: دليل شامل لسلوكيات إيجابية وتجنب المشاكل

📌ايه النقاط المهمه اللي أخلي بالي منها و انا بعدل سلوك طفلي ؟

📍1-العياط
ملوش عقاب يعني مينفعش تزعلي منه عشان هو بيعيط العقاب ع السلوك الغلط بس والتصرف السليم مع العياط التجاهل مهما كان المكان والناس اللي حواليكي يعني يعيط سيبيه يعيط ولا تقولي بس ولا تحاولي تراضيه ولا تقوليله هزعل منك
مفيش اي كومنت ولما يخلص عياط متلمهوش ع العياط ولا تقولي انا زعلانه انك عيطت

📍2- ممنوع الاطفال تنام ف نفس الاوضه مع بابا وماما بعد ميكملوا سنه .

📍3- قبل م نطلع لازم يكون فيه اتفاق على اللي هيحصل ودا أسمه ترتيب أولويات الطفل دا هيقلل المشاكل ( أحنا هنروح السوبر ماركت نجيب طلبات و أنت بتجيب لعبه واحده بس )
لو وافق تمام أعترض يبقى خلاص مش هنخرج واللي أتفقنا عليه مش هيتغير.

📍4-الطفل لو عمل حاجه غلط قدام حد مينفعش توجه قدام الناس بتاخده ع جنب أو ف أوضه تانيه وتعرفه غلطه ولو غلط ف حد برضه متزعقلوش قدام الناس ع جنب وتوجهه وبعدين تطلعه يعتذر.

📍5-ممنوع الطفل يدخل الحمام مع ماما او بابا أو يشوفوا ماما وبابا وهما بيغيرو لبسهم .

📍6-متخليش ولادك مكتفيين 100%مش كل حاجه عندهم مش كل حاجه عاوزنها يجي لأن دا ممكن يوصلهم للسرقه لأنهم لما يشوفوا حاجه مع حد مثلا ومش عندهم هيمدوا أيدهم وياخدوها لأنه متعود معاه كل حاجه عاوزها

📍7-ممنوع ياخدوا أي لعبه من عند حد وهما نازلين وممنوع تدي اي لعبه من لعبهم لحد حتى لو بموافقتهم لانهم بعد كده هيشوفوا ان عادي ياخدوا من عند حد طلاما الناس بتاخد منهم.

📍8-لازم وهما بيلعبوا يعرفوا ان في مكسب وخساره ولو رفضوا متلعبيش معاهم او وقفي اللعب.

📍9-الكلمه اللي تتقال تتنفذ ممكن تديله مهله ينفذها بس لازم تتنفذ يعني مثلا لم الالعاب قال لا اقول تاني لم الالعاب لو قال لا طب انا هعد من 1 ل 5 تكون لمتها لو متلمتش تحرميه من حاجه معينه بيحبهااا
ويكون في عقاب وهمي انت معملتهاش طيب خلاص مش هنلعب سوا .

📍10-مينفعش نقول هقول لبابا لما يجي وبابا هيزعق دا غلط جدا انتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا.

#معلومة_هتفيدك_ركز_فيها