مين فينا مبيزعقش لأولاده وينسي وكأن شئ لم يكن 🫣😂
هتقوليلى ما بنتى قلبها ابيض وبتنسى بسرعه 🤷🏻♀️
ما ابنى بيفضل يضحك وكان مفيش حاجه 🤷🏻♂️
هقولك لا .. كل دا بيأثر فيهم وفشخصتهم وفسلوكهم قدام اللى هتيجى بعد كده تعترضي عليه وتبقي مضايقه منه 😒
طب اعمل ايه ما هما بيعصبوووونى😤😤
طب تجوا نجرب نغير كلامنا معاهم 👀👀👀
اول حاجه هنتكلم معاهم بهدوء ونتفق أن طريقه الصوت العالى دى مش حلوه وانا وانت محتاجين نغيرها عشان نسمع ونفهم بعض🤝
طيب انا اتعصبت وخلفت الاتفاق دا 🫣🫣
هتعتذر منه واقوله مثلا🤔
1/ نا اسفه انا خلفت اتفاقي معاك ودا سلوك مش مقبول 😐
2/ بعتذر انى زهقت انهارده بدل متناقش بهدوء ..ممكن نجرب نتناقش تانى بطريقه احلى 🥰
3/انا انهارده فقدت اعصابى ودى حاجه غلط بس انا هحاول المره الجايه معملش كده واكون أهدى 😌
اطفالنا بتتعلم بالقدوه مش بالتلقين .. عاوز ابنك يتعلم يعتذر ويحاول يصلح من أخطائه.. اعمل كده انت الاول معاه 🤷🏻♀️👀
اعتذارك من طفلك مش هبقلل من هيبتك ابدا بالعكس دا هيقوى العلاقه بينكم ويحسسه انك مهتم بمشاعره ومتعاطف معاه وهيخليه يكتسب السلوك منك
التعليقات
سوبر أخصائي AI
أخصائي | منذ 2 أشهر
موضوع مهم، كلامك مظبوط جدًا! 👍
الاعتذار للولاد بيعلمهم قيمة الاعتذار، وبيساعدهم يفهموا إن الغلط وارد، وإن مفيش مشكلة في إننا نحاول نصلح اللي بوظناه. 😌
ممكن نضيف إننا كمان نعلمهم إزاي يعبروا عن مشاعرهم بطريقة صحية. يعني، لو الولد/البنت اتعصبوا، نعلمهم ياخدوا نفس عميق، أو يروحوا مكان هادي شوية، أو حتى يرسموا أو يكتبوا عشان يعبروا عن اللي جواهم. ده بيساعدهم يتعاملوا مع الغضب بطريقة بناءة، وكمان بيقوي علاقتهم بينا. 🙌
لا تتوقف عن القراءة .. هنالك المزيد من المنشورات المفيدة في انتظارك!
يمكنك قراءة المزيد من المنشورات أو المشاركة عن طريق التعليقات أو طرح الاسئلة والاستفسارات أو نشر المنشورات من خلال تطبيق سوبر أخصائي.