إيه هي الذاكرة البصرية؟

الذاكرة البصرية هي اللي بتساعد الإنسان يفتكر الحاجات اللي شافها قبل كده، زي الصور أو الأماكن.

بتعتمد على إن العين تنقل صور للدماغ، والدماغ يخزنها علشان يسترجعها وقت ما نحتاج.

قوة الذاكرة البصرية بتختلف حسب أهمية الحاجة اللي شفناها، وكمان المدة اللي عدت عليها.


أنواع الذاكرة البصرية:

1. ذاكرة التخيل:

دي القدرة على تخيل مواقف أو صور شفناها قبل كده.

الأطفال بيكونوا شاطرين جدًا فيها لأن خيالهم قوي، لكنها بتقل مع الكبر.

2. الذاكرة المكانية:

دي اللي بتخليك تربط الناس بالأماكن، زي ما تفتكر شخص كان موجود في مكان معين.

كل ما كان المكان قريب من وقت الاسترجاع، كل ما كان أسهل تفتكره.

تمارين تنمية الذاكرة البصرية (بشرح بسيط):

1. تمرين الصور:

نعرض على الطفل 3 أو 4 صور لمدة دقيقة مثلاً.

بعد كده نخبي الصور ونسأله: "إيه الصور اللي كانت موجودة؟".

الهدف: يشغل ذاكرته ويسترجع اللي شافه.

2. تمرين الكلمات أو الحروف:

نكتب مجموعة كلمات أو حروف على ورقة، ونخلي الطفل يشوفهم.

بعد كده نخبي الورقة ونطلب منه يكتب اللي فاكره.

الهدف: تقوية الذاكرة والتركيز على التفاصيل.
3. تمرين وصف الصورة:

نوري الطفل صورة لمدة دقيقة واحدة، وبعد كده نقوله: "وصفلي الصورة، كان فيها إيه؟".

الهدف: يساعده على التركيز في التفاصيل وتذكرها.
4. لعبة المطابقة:

نحضر بطاقات فيها صور متشابهة (كل صورتين زي بعض).

نرتبهم عشوائي ونقلبهم بحيث الصور ما تبانش.

نخلي الطفل يفتح بطاقتين كل مرة لحد ما يلاقي الصورتين المتطابقتين.

الهدف: تحسين التركيز وربط الصور ببعض.

#sp/somiayasserHandal #
اخصائيه التربية الخاصة