"نافذة أمل" 😊😍 على رحلة وعي جديدة 😉🥰👩‍🏫!

رحلة وعي 🚀

التوجيه الأسري مش رفاهية… ده الأساس! 🏡
علشان نضمن لطفلنا بيئة تعليمية مشجعة ومحبة، لازم نبدأ من البيت، من أول كلمة بتتقال قدامه، ومن أول تصرف بيشوفه.

الأسرة هي الشريك الأول في خطة الطفل الفردية. 🤝
الخطة دي مش مجرد ورقة، دي مفتاح التواصل بين الطفل وبين الأخصائي، ومحتاجة تكون مبنية على:

* احتياجات الطفل الحقيقية.
* نقاط قوته وضعفه.
* وأسلوبه في التعلم والتفاعل.

أهم خطوات التوعية والتوجيه الأسري:

1. اعرفي ابنك كويس – كل سلوك وراه سبب، وكل مهارة محتاجة تشجيع. 👍
2. شاركي في إعداد الخطة الفردية – انقلي ملاحظاتك اليومية للأخصائية، واعملي معها فريق واحد. 👩‍👧‍👦
3. وفري بيئة داعمة – فيها روتين، حب، وتحفيز… مش توتر وأوامر. ❤️
4. اسألي واطلبي دعم – ما تتردديش تسألي الأخصائية عن أي تفصيلة، من حقك تفهمي وتشاركي. 🙋‍♀️

كل طفل ليه طريقته… ومفيش خطة تنفع للجميع. 🌟
الخطة الفردية بتتعدل حسب الحالة، عشان توصل لكل طفل بالطريقة اللي يفهمها ويتجاوب بيها.

رسالة لكل ولي أمر:
لما تكوني مع الأخصائية إيد بإيد، ابنك هيوصل. 💪
وكل يوم في التزامك وتعاونك، هو خطوة جديدة في "رحلة وعي" نحو حياة هادية ومستقرة. 🧘‍♀️

---

مع الأخصائية/ همت الأنصاري
عوزالكم حياة هادية مستقرة .. تابعوني عشان هتستفادوا كتيييييير واحنا محتاجين دايما نعرف ونقرأ في هذا المجال. 📚