_مساء الخير يا عزيزي يارب تكون بخير إن شاء الله✨❤

_اتكلمنا قبل كده عن التوحد وعن تعديل السلوك انهارده بقا هنتكلم عن حاجه مهمه جدا وملحوظه جدا بس محدش بيهتم بيها اوي لانها مش معروفه اوي 🙂🙂

_بص ي عزيزي👀
_لا بص كويس الموضوع فعلا مهم اوي واحنا مش مديينه اي اهتمام وده غلط علينا وعلي ولادنا 🙂

_عارف انك مسحول مع طفلك، سواء كنت اخصائي او ولي امر وده حقك، طفل التوحد طلباته كتير انا عارف، بس عايزك تركز معايا كده علي حاجه مهمه اوي، متخليش اهتمامك بالتوحد واعراضه ومشاكله وبلا بلا بلا يخليك تغفل انه بيكون مصحوب بحاجات تانيه لاتقل اهميه عن التوحد، سواء ده كان مشكله حسيه او مشكله عضويه او اي خلل في اي حاجه عندك ده هيعطل سير عمليه التأهيل ولو معملش مشاكل مش هيفيد.

_ايوه انت عايز تقول اي يعني؟؟؟
_ بص ي عزيزي انا هتكلم معاك انهارده في نوع من الاطضرابات اللي بتكون مصاحبه مع اضطراب التوحد ومش معني كلامي ان كل اطفال التوحد عندهم المشكله دي، لا هي بتكون موجوده عند نسبه منهم مش هقولك النسبه لان اللي يهمك اي المشكله مش اكتر، الا وهي ي عزيزي اضطراب Pica- بيكا..

_اي بقا اضطراب بيكا ده؟ ❗❗❗❗

⬅️نوع من اضطرابات الاكل والتغذيه بيظهر لدي الاشخاص، يتناول الشخص اشياء لا تصلح للاكل.

_بالبلدي كده الشخص بياكل حاجات مينفعش تتاكل اصلا واكلها ممكن يعملي مشاكل زي تسمم لا قدر الله.

_طيب اي الحاجات اللي ممكن ياكلها الشخص ده واللي هي اعراض الاضطراب؟؟؟
_ اكل البراز
_اكل التراب
_اكل الزجاج
_اكل مخاط الانف
_اكل الجليد
_اكل الخشب
_اكل لحوم البشر الذاتي😨
_اكل لحاء الشجر
_ اكل الشعر
_اكل الثلج

_طيب اي سبب الاضطراب ده؟؟ ❓❗

_والله ي سيدي لحد دلوقت السبب مش معروف هل هو بسبب عضوي ولا بسبب نقص الغذاء ولا بسبب نقص الادراك ولا اي بالظبط ف محدش عارف السبب اي🥲

_طيب انا عندي مشكله دلوقت، انا اوقات بحب اكل قطع التلج ك نوع من التسليه، هو انا كده عندي اضطراب بيكا؟ ❓❗

_سؤال جميل واجابته سهله جدا، عشان اقول علي شخص ما انه عنده اضطراب بيكا _pica لازم يفضل ياكل الحاجه دي علي الاقل لمده شهر متواصل وبشكل مستمر.
_وان يكون الكلام ده لا يتناسب مع عمر الشخص بمعني انه ميكونش ف اول سنتين من عمر الطفل لان هنا هو مش مدرك هو بيعمل اي.

_طيب اي حل المشكله دي دلوقتي؟ اي العلاج يعني❓❗

⬅️ الpica زيها زي اي اضطراب ملهاش علاج محدد، لكن في بعض الحلول كده نقدر من خلالها اننا نحل المشكله دي زي العلاج السلوكي والعلاج المعرفي والعلاج الطبي.

⬅️العلاج الطبي»» فيتامينات ومعادن وشغل دكاتره ملناش دعوه بيه، احنا نرشد بس انما مقدر اقول خد كذا وامنع كذا لان مينفعش الجزار يبقي اخصائي تربيه خاصه.

⬅️العلاج المعرفي»» سهل وبسيط والاسره ليها الدور الاول هنا وهو اني اعرف الطفل الفرق بين اللي يتاكل واللي ميتاكلش.

⬅️العلاج السلوكي»» ده دوري انا بقا ودورك ك اخصائي انك من خلال استراتيجات تعديل السلوك الكتيره زي:
العقاب والحجب، والتعزيز علي وجه التحديد لا الخصوص انك تتعامل بيهم وتحل المشكله.

📢📢📢 ملحوظه مهمه»» ك اخصائي توحد لازم يبقي عندك خلفيه عن اضطراب زي ده لان نسبه انتشاره بتكون من 10_33% عند اطفال التوحد للاسف، ف ده بيحملك مسؤليه فوق مسؤليتك، ربنا معاك ي بطل ❤❤

📢📢📢ملحوظه تاني مهمه بردو.

⬅️البيكا_ pica مش لاطفال التوحد بس لا ، المعرضين للبيكا كتير هقولك عليهم اهو.
⬅️ الاطفال اقل من 6 سنوات
⬅️السيدات الحوامل
⬅️الاشخاص اللي عندهم مشاكل نفسيه او عقليه
⬅️ الفصام ومرضي الوسواس القهري
⬅️حالات اضطراب طيف التوحد