كيف نتعامل مع تخيلات الطفل المزعجة🤔؟

خلينا متفقين أن فيه حاجات يومية بيتم ذكرها أو فالعموم بتبقى مرتبطة بوصف الخوف عندهم زي الوحوش،الفقدان(الموت)، والقصص المرعبة.ده بيديهم شعور بالخوف أو الذنب أو القلق، أو خليط من المشاعر السلبية بسبب التخيلات اللى بتدور في أذهانهم، وطبعا مينفعش التحكم فيها بسهولة كده، والمشكلة أن الأطفال بيتصوروا أنه فيه خطأ فيهم. أو أن تخيلاتهم تتحول إلى واقع. المطلوب وقتها مني اني أقبل تخيلات الأطفال وأن اوضحلهم أنها أمر طبيعي، لأن الطفل عادة ما يشعر بالخجل من تخيلاته، ومن ثم يمتنع عن الحديث عنها، وطبعا مينفعش أبدًا نسخر منها، لانه بيعمل انعكاس سلبي والطفل عمره ما هيتكلم عن ما يدور بداخله بسبب القلق والتوتر والسخرية وعدم الاهتمام، عشان كده لازم الطفل يتعلم في وقت مبكر، ويشجع على كيفية استعمال مخيلته بشكل إيجابي بلغة بسيطة يستوعبها. ولازم يتعلم الفرق بين ما يفكر فيه وما يمكن عمله على أرض الواقع!!
يعني مينفعش يطير في الهوا لأن ده هيترتب عليه مخاطر (مثلأً)
وطبعا الحوار مع الأطفال ليه أهمية كبيرة، إلى جانب طبيعة العلاقة الوالدية لازم تكون خالية من الترهيب والتخويف، أو الحدة في التعامل.، لازم اتكلم مع أطفالي بالطريقة اللى بيفكروا بيها، طبعا مع إعطائهم مساحة كافية للتعبير عما بداخلهم بحرية وطمأنينة وود وثقة. وبعدين بكل هدوء هقدملهم تفسير أو توضيح ولازم وقتها يكون عندي صبر، وتبسيط في الكلام عشان الطفل يستوعبه، ولازم أظهر احترامي لكل ما يدور بمخيلاتهم، وأخد الأمر بجدية واهتمام، وبلاش بلاااااش الإجابات الغامضة اللي بتزود الأمر غموض وتعقيد،. من خلال التعامل التلقائي ده هيكتسب الطفل قيم الصبر والهدوء والتفكير المنطقي ومرونة التعامل، وكيفية التوافق مع مختلف المواقف اليومية، والتمييز بينها، وكيفية الاختيار، والقدرة على اتخاذ القرار السليم. وكمان انتي عارفة أنه دورك كأم أو أب بيخفض حدة التوتر والقلق اللى بيكونوا مع التخيلات المزعجة عند الأطفال ؟ إني أقلل حدة ردود أفعالي المصاحبة للمواقف المؤلمة، أو المزعجة أو السيئة في حياتهم العامة، وعدم المبالغة فيها. كمان لازم يلفتوا انتباه الأطفال أنه طبيعي يكون فيه مشاكل وأحداث غير سارة في أي وقت. ولازم أعلم طفلي ازاي يتعامل معاها ، وعلى فكرة توقع الأزمات بيخفف كتييير من انعكاساتها السلبية وآخر حاجة ابعدي الطفل عن المثيرات اللى بتثير التخيلات المرضية والمرعبة سواء في الألعاب أو التلفزيون خصوصا وقت قبل النوم☺️.