هو ايه اللي ممكن يحصل لو ابني في بيئة فيها كتب حواليه
وبنقرأ له كل يوم قبل ما ينام حتي لو ربع ساعة
_ أول وأهم حاجه إحنا هنخلق وقت قيم وقت مليان دفا وحب ورابطة قوية جدًا
_ده غير إن الحكايات بتنمي اللغة والخيال بتخليه قادر يعبر عن اللى جواه
_بيتعلم القيم والأخلاق و بيتوحد مع أبطال القصص وبيكون عايز يحارب الأشرار أو يكون صادق و أمين
_بيتعرف على ثقافات تانية وأفكار مختلفة بتعلمه إزاي يحترم الآخر وإختلافه
_ بتزود قدره على الاستجابة للتعلم الأكاديمي والإستعداد للدراسة
_ هيتعلم يحترم العلم والمعرفة ، هيزيد عنده حب الإستطلاع
مهم إن الطفل يشوف كتاب في البيت ككجزء طبيعي من الحياة زى الموبايل والشاشات بالظبط
القرأة مش مجرد فعل مسلي دي تربية ووعي وحكمة بنقدمها للطفل
الجيل اللي بيقرأ …. جيل قوى