هو فعلاً تنمية المهارات مهمة للأطفال؟
السؤال ده بنسمعه كتير…
وهنا نحب نقول بكل ثقة: أيوه، تنمية المهارات مش بس مهمة، دي أساس في رحلة تطور الطفل!
سواء كان الطفل بيعاني من تأخر أو حتى ما عندوش مشاكل واضحة… تنمية المهارات بتفرق في مستقبله.

يعني إيه تنمية مهارات؟
هي مجموعة من الأنشطة اللي بنشتغل بيها على قدرات الطفل المختلفة زي:
الانتباه والتركيز
لحركة الدقيقة والعضلات الصغيرة
لتفاعل الاجتماعي
مهارات التواصل والتقليد
حل المشكلات والتفكير
يعني بنساعده يعرف يتعامل مع الدنيا حواليه ويجهز نفسه لمرحلة الكلام والمدرسة والحياة.

ليه مهمة في سن صغير؟
السن من 1 لـ 5 سنين بيكون المخ في أعلى مراحل الاستعداد للتعلم
وده معناه إن أي تدريب أو مهارة بتتغرز بسهولة
ولو فيه تأخر بسيط… بنلحقه بدري
ولو ما فيش تأخر… بنقوّي قدراته ونزود فرص نجاحه

أمثلة على تنمية المهارات:
الطفل يتعلم يركّب بازل بسيط
يعرف يفتح ويقفل زرار أو سوستة
يعمل نشاط فيه ترتيب أو تصنيف ألوان
يسمع تعليمات وينفذها
يقلد حركة أو صوت
يعرف يعبر عن احتياجاته بطريقة مفهومة
لو طفلي بيتكلم طبيعي… محتاج تنمية مهارات؟
آه طبعًا!
الكلام جزء من منظومة
ممكن الطفل يتكلم كويس بس ما يعرفش يستوعب أو يركّز
أو يتكلم بس عنده ضعف في التواصل أو التفاعل
عشان كده تنمية المهارات شاملة ومتكاملة
طب لو ابني عنده تأخر في الكلام؟
ساعتها بنبدأ أولًا بتنمية المهارات قبل التخاطب
لأن المهارات دي هي الأساس اللي هيبني عليه كلامه وسلوكه وتعلمه