كيف تمنع طفلك من نقل الكلام والنميمة؟ نصائح تربوية هامة!

🔔 عايز تدمر شخصية طفلك بسهولة وتخليه نمام ونقال كلام؟ 🔕

1️⃣ لو طفلك جري عليك وقال لك: "الحق يا بابا، ماما بتكلم تيته وبتقول عليك كذا وكذا!" 🗣️ اوعى تفتح ودنك وتقول له: "جدع يا ولد، ابن أبوك! صحيح، وقالوا إيه كمان؟" 🙅‍♂️

2️⃣ لو بنتك جريت عليك وقالت لك: "الحقي يا ماما، بابا بيكلم بنات على النت!" 📱 اوعي تلطمي على وشك وتقوليلها: "وشفتي إيه كمان يا مضروبة؟" 🤦‍♀️

🔕 إحنا كده بنوصل لأولادنا إشارة إننا موافقين ومرحبين بأسلوب النميمة والغيبة ده. وبكده ابنك هيطلع فتان ونمام وناقل للكلام عشان يراضي اللي أمامه. 😔

* الطفل ذكي، ولو عرف إن ده الأسلوب اللي بيجيبك، هيحاول إنه يجود ويزود من عنده عشان ينول رضاك. 🧠

👍 الصح إيه؟

- أول ما يحصل موقف زي ده، من أولها كده خد موقف وارفض. وفهم طفلك إن ده عيب وحرام. 🚫

* وخليك أنت وزوجتك متفقين على المبدأ ده، واظهروا بشكل متماسك أمام الأولاد.🤝

بكده هنحافظ على نفسية الأطفال، ومن بدري بدري بنحميهم إنهم يطلعوا شهود زور وفتانين وعصافير وموقعاتية وفاعلي خير حسب الطلب كده. ✅