هلا وغلا 👋🏼
اتكلمنا قبل كده عن تأخر نمو اللغة غير المحدد الأسباب، وذكرنا أنواعه. يلا بينا نعرف أول نوع بالتفصيل وبإختصار. 🗣️👀

أول نوع هو خلل برمجة الأصوات ، يعني إيه؟ 🤔 الطفل بيفهم الجمل ، حتى الجمل الصعبة، ومضمون كلامه وسياقه سليم تمامًا، لكن مشكلته في الأصوات (الحروف) .

• طب ممكن تفهمينا اكتر 🤔
طب هديك مثال بسيط 🔻
الطفل هيقول "أنا تت طاطي امبارح" بدل "أنا أكلت بطاطس امبارح"
• وأخطاء الأصوات دي بتبقى ثابتة في كل الجمل.

إزاي نعدلها ⁉️
ـ ممكن نصححها عن طريق إننا نسمع جملته الغلط، ونعيدها عليه بالطريقة الصح ("Corrective feedback") .
ـ أو لو عنده ضعف في الذاكرة السمعية ، نقسم الكلمة لمقاطع زي: "بطا - طس".
ـ ولو عنده خلل في المعالجة السمعية (يعني مش فاهم كلامنا كويس)، نبطئ الكلام لما نقوله.

ملحوظة 🙋🏼‍♀️ لو الطفل كبير شوية، ممكن نستخدم الكلمات المتشابهة اللي بيغلط فيها ونفرق بينها.
📌 طرق العلاج دي هتفيد الاخصائي اكتر .
📌 متنساش تتابع عشان تعرف باقي الانواع وطرق علاجها .
📌 اعرف اكتر عن طفلك : )