📌 إيه هي البراجماتيكا (Pragmatics)؟

البراجماتيكا ببساطة هي استخدام اللغة في المواقف الاجتماعية بشكل صحيح.
يعني مش بس الطفل بيقول جملة صح، لكن كمان بيقولها في الوقت الصح، وبالطريقة الصح، وللشخص الصح.

مثلاً:
طفل يقول “صباح الخير ” دي لغة كويسة
بس لو قالها وهو قاطع كلام حد أو في وقت مش مناسب… هنا المشكلة تبقى في البراجماتيكا مش اللغة نفسها.


📌 أعراض ضعف البراجماتيكا عند الأطفال:

- يقاطع الكلام بشكل متكرر
- مش بيعرف يبدأ أو ينهي الحوار
- بيتكلم عن نفسه بس ومش بيسمع غيره
- مش بيفهم الإشارات الاجتماعية (زي التعابير أو النبرة)
- بيقول كلام صح لغويًا لكن في مواقف غلط
- صعوبة في تبادل الأدوار في الكلام


📌 أسباب ضعف البراجماتيكا:
مش سبب واحد، لكن غالبًا بيكون مرتبط بـ:

- اضطرابات النمو زي التوحد
- ADHD (فرط الحركة وتشتت الانتباه)
- ضعف في المهارات الاجتماعية عمومًا
- أو تأخر نمائي في فهم السياق الاجتماعي
- وأحيانًا بيكون بسبب قلة التفاعل الاجتماعي في البيئة حوالين الطفل


📌 مهم نفهم إن:
في أطفال لغتهم كويسة جدًا من ناحية نطق وجمل
لكن عندهم مشكلة في استخدام اللغة وسط الناس
وده بيأثر على علاقاتهم في المدرسة ومع أصحابهم.

---

📌 الخلاصة:
البراجماتيكا مش “لغة” بس…
دي “طريقة استخدام اللغة في الحياة”.

#تخاطب #براجماتيكا #تنمية_اللغة #مهارات_التواصل
#اخصائية_تخاطب_تسنيم_إيهاب