لما الطفل بيتعصب جامد، الناس بتشوفه عنيد أو بيبالغ، لكن الحقيقة إنه لسه بيتعلم يعبر عن مشاعره، ومحتاج حد يساعده يترجم غضبه بطريقة صحيحة🙆

👈 محدش عارف إنه ممكن يكون مش قادر يعبّر بالكلام، فتلاقيه بيصرخ أو يرمي حاجات لأنه مش لاقي وسيلة تانية يعبر بيها عن اللي جواه 🫣


✓ ساعات بنقابل الغضب بغضب، ونزعقله عشان يسكت، بس محدش عارف إن ده بيزود شعوره بعدم الأمان وبيخليه يحس إنه مش مسموح له يحس بالمشاعر دي 😱

👈 ممكن بدل ما نزعق، نجرب نقول: "أنا فاهمة إنك زعلان، عاوز تحكي لي إيه اللي مضايقك؟"
(الطفل لما يحس إن مشاعره مقبولة، بيتعلم يعبر عنها بدون انفعالات)

✓ناس كتير بتفتكر إن الحل هو العقاب أو التجاهل، لكن محدش عارف إن الطفل محتاج يتعلم طرق للتهدئة، مش يتحكم في غضبه بالعافية😤

👈 التنفس العميق، العد التنازلي، الحضن، أو حتى مساحة هادية يقعد فيها، كل دي طرق بتساعده يهدأ بدون إحساس بالذنب🙈..


✓ الغضب مش سلوك سيئ، لكنه إحساس طبيعي، ومهم إننا نعلم الطفل يتعامل معاه بطريقة آمنة 🤐

مهم جدااااااااا🎀🌹

👈 الأمان العاطفي هو اللي هيخلي الطفل يتعلم ينظم مشاعره، مش العقاب أو التجاهل!