اللعب: استثمار نمو الطفل وتنمية مهاراته المبكرة

⚫في ناس كتير لما تشوف طفل بيلعب تقول
الولد ده بيضيع وقته
⚫لكن الحقيقة إن اللعب عند الطفل مش رفاهية ، اللعب شغل الطفل الحقيقي

⚫علماء النفس والتربية بيأكدوا إن اللعب واحد من أهم الوسائل اللي بيتعلم بيها الطفل
من خلال اللعب الطفل
1_ بيكتشف الدنيا
2_وبيتعلم يفكر
3_ويجرب
4_ويغلط
5_ويصلح غلطه
⚫الطفل وهو بيلعب بيتعلم مهارات كتير جدا
1_زي الانتباه
2_والتخيل
3_وحل المشكلات
4_وكمان بيتعلم يتعامل مع الناس
⚫ لعبة بسيطة ممكن
1_تعلم الطفل الصبر
2_ولعبة تانية تعلمه الدور
3_ولعبة تالتة تعلمه إنه
4_يكسب ويخسر من غير ما ينهار

⚫ الطفل اللي بياخد فرصة يلعب كويس ، غالبا بيكون عنده ثقة أعلى بنفسه
وتفكير أوسع ، وقدرة أفضل على التعلم
⚫لكن المشكلة إن بعض الكبار شايفين اللعب حاجة ملهاش فايدة ، فيقولوا للطفل
سيب اللعب وروح ذاكر
⚫والحقيقة إن اللعب مش ضد التعلم ، اللعب هو الطريق الطبيعي للتعلم

⚫ أربع فوائد مهمة للعب عند الأطفال
1️⃣ تنمية التفكير
اللعب بيشغل عقل الطفل وبيخليه يربط بين الأفكار ويلاقي حلول بنفسه
2️⃣ تنمية اللغة
أثناء اللعب الطفل بيتكلم ويسأل ويحكي وده بيقوي اللغة والتواصل
3️⃣ تنمية المهارات الاجتماعية
اللعب مع الأطفال بيعلّم المشاركة واحترام الدور والتعاون
4️⃣ تنظيم المشاعر
اللعب بيساعد الطفل يفرغ طاقته ويعبر عن مشاعره بطريقة صحية

⚫ افتكر دايما
الطفل اللي بنحرمه من اللعب
كأننا بنحرمه من جزء مهم من نموه
⚫اللعب مش تضيع وقت
اللعب استثمار في عقل الطفل وشخصيته وقدرته على التعلم
⚫ سيب لطفلك مساحة يلعب ، لان اللعب أحيانا بيعلمه أكتر من ألف كلمة