تطور لغة الطفل (٢٧ شهرًا): هل يحتاج لتدخل متخصص؟

لا حضرتك الطفل طبيعي جداً دا
لسا الحصيلة اللغويه عنده بتكتمل
هو محتاج من حضرتك تتكلمي معاه
وتعرفيه الي بيعمله اي بيشرب مياه تقوليه اشرب مياه ....وهكذا.
+توضحيله الكلمه الي صعب نطقها الي مقاطع صوتيه زي مثلا باب :(با/ب). وهكذا
لو هو بينطق (حرف اللام والراء) بس
الي غلط اتاكدا من الرابط اللساني بتاعه ممكن يكون السسب .

متقلقيش الولد سنه صغير ومع شوية شغل منك أن شاءالله هيبقي كويس وزي الفل بس في شوية حاجات لازم تعمليها معه اولا لو بيمسك الموبايل تمنعيه تمام لو بتسبيه قدام الكرتون تمنعيه برضوا ولما يشاور الحاجه لاتستجيبي لطلبه وكرري عليه عاوز ايه لو شاور لا تستجيبي قولي له تاني انت عاوز ايه قول واستمري معها مثلا لو عايز ياكل وشاور علي الاكل كرري السؤال عاوز ايه وبعدين لو طول ساعديه وقولي له عاوز تأكل وتتكلمي معها وتقولي له عاوز اكل وتعملي علي الاكل حوار زي يلا ناكل هناكل ايه وتتكلمي بالطريقة دي معها واي حاجه يشاور عليه قولي اسمها زي مثلاً بيشاور علي الموزه تقولي له دي موزه موزه جميله لونها اصفر ريحتها حلوة ناكل موزة وهكذا كل حاجة اعملي عليها حوار وواحده واحده هتلاقيه لوحده بيتكلم وبيطلب منك اللي هو عاوزه من غير ما يشاور وان شاءالله هيبقي كويس بس شويه صبر منك واهتمام هيبقي كويس
حاولي تحكي له قصص كتير جدآ بتزود الحصيلة اللغوية
لو ماشيين في الشارع سمي كل حاجة بيشوفها زي مثلاً أي دا عربية
عربية بتعمل أي بيب بيب عربيه لونها أي لونها أحمر وهكذا سمي كل حاجة حوالين
الطفل وحاولي تطولي الجملة
زي مثلاً أنت ولد ولا بنت
أنا ولد
ولد شاطر
ولد جميل
أنا ولد باكل
أنا ولد بشرب
وخليه يتفاعل أكتر مع أقرانه
وحاولي كل ما ينطق كلمة غلط تصحيحها وتقسيمي الكلمة الصعبة عليه
نزلي ابليكشن كلماتي ومهارة طفل من جوجل بلاي هيفيدوكي جدا جدا معه
واقعدي معه علقي علي كل حاجة يشوفها