⚫معظم الآباء فاكرين ان الشده والحزم مع الاطفال يعني انى همنع الطفل دايما من اللى عايزه عشان ميتدلعش
⚫اما دايما نفضل نمنع الطفل من اللى هو عايزه من غير اى مبرر بيخلى الطفل ميفهمش الهدف من المنع سواء كان خوف على الطفل او ان الحاجه اللى هو عايزها مش متاحه وبالتالى الطفل بيشوف باباه قاسي مش بس حازم او خايف عليه
⚫خلينا متفقين ان استخدامنا المنع بإستمرار او رفضنا دايما كأسلوب تعامل مع الطفل
" هيخليه يخاف وميحبش يطلب مننا حاجه او يعاند معانا عشان ياخد اللى هو عايزه بأى طريقه ممكنه بالنسباله.."
⚫الحل دايما في الوسطيه في التعامل
"رفض الآباء للحاجه اللى الطفل عايزها لازم يكون بمبرر
⚫طيب زي ايه المبرر دا يامس؟
✒️ان الحاجه دى مش موجوده دلوقتي
✒️مضره
✒️عندك منها كتير
⚫او حتى نربط الحاجه اللى هو عايزها ب انه يحقق نشاطات اكتر ودى هتكون مكافئه ليه..
⚫التمسك بقرار الرفض او انه مش هينفع دلوقتي من غير ما نوضح اسباب ف هو سلوك غلط
⚫مينفعش تستخدم العنف عشان تكون حازم مع اولادك
⚫الحزم هدفه تعليم الطفل الالتزام ببعض القيود واحترامها، مش هدفه انى امنع الطفل عشان ميتدلعش
⚫اللهم اجعله علما نافعا شافعا لي ولمن له علي فضل في تحصيله♥️
⚫اللهم صل وسلم وبارك على سيدنا محمد وعلى اله وصحبه اجمعين
⚫#رضوي_علاء
⚫#تخاطب
⚫#تنميه_مهارات
⚫#تعديل_سلوك
⚫#الحزم_والقسوه