علماء النفس قالوا حاجتين اللي بيأثروا في شخصية الانسان وهما التربية وظروف البيئة المحيطه.

يعني ايييييييه؟ 🤔

👈 ببساطة شديدة👇

التربية: اهله ربوه ازاي وكان بيعاملوه ازاي.

ظروف البيئة المحيطه: لما خرج بقا للمجتمع وبقا عنده اصحاب وشغل وعلاقات وحياة.

طب ليه بنعرف معلومه زي دي؟؟

عشان اي اضطراب نفسي بيتأثر بالحاجتين دول عشان كده دايما بنقول نحاول نربي ونعامل ولادنا كويس علي قد ما نقدر عشان لما يخرجوا للمجتمع وتقابلهم مشاكل متاثرش بدرجه كبيره في شخصيتهم ونقدر نعالج اي انحراف حصل

لان التربية هي الاساس بتاعي طول ما الاساس بتاعي قوي وسليم اي اعواج بيحصل بعد كده بقدر اصلحه.

مثال بسيط: اللي بيبني عمارة لو باني الدور الارضي والاول كويسين وجه حصل اي خلل في الادوار اللي بعد كده هيقدر يحل المشكله من غير ما يضطر يهد العقار كله لكن لو المشكله من الاول في الدور الارضي يبقي اي مشكله هتحصل هتسمع في كل العقار وساعتها هيتهد.

نفس الفكره بالظبط في بناء شخصية الانسان.